ကလေးတို့ရဲ့ အနာဂတ်မှာ စိတ်ဒဏ်ရာ အနာတရ ကင်းပစေဖို့

တခြား တိုးတက်တဲ့ နိုင်ငံတွေမှာတော့ အနိုင်ကျင့်လာရင် ဘယ်လို ကာကွယ်ရမယ်၊ ဘာတွေ လုပ်ရမယ် ဆိုတာကို ကျောင်းတွေက သင်ပေးကြတာမျိုး၊ မိဘတွေက ပြောဆိုဆုံးမ ထားတာမျိုး ရှိပါတယ်။ ကျမတို့ ဆီမှာတော့ ဒီလို ကိစ္စမျိုးကို ကျောင်းတွေက သင်ပေးတာမျိုး အင်မတန်နည်းလှသေး သလို၊ မိဘများကလည်း အရေးတကြီး ကိစ္စတခု အနေနဲ့ ကလေးများကို သတိပေး သင်ကြားပေး ထားတာမျိုး မရှိပါဘူး။

အထူးသဖြင့် ကလေးတို့ရဲ့ လိင်ပိုင်း ဆိုင်ရာကို ထိခိုက်စော်ကား ခံရမှုကိစ္စများကို ကလေးများဟာ သူတို့ကိုယ် သူတို့ ဘယ်လို ကာကွယ်ကြရမှန်း မသိရှာသေးပါဘူး။ မသိနားမလည်တဲ့ ကလေးတို့ခမြာ လိင်ပိုင်းဆိုင်ရာ ထိပါးစော်ကားမှု ခံကြရ ရှာပါ တယ်။ အဲဒီလို ခံစားကြရမှုဟာ အဓမ္မမှု အဆင့်ထိ မတတ်လာသေးတာ တောင်မှ ကလေးတို့ရဲ့ စိတ်ပိုင်း၊ ရုပ်ပိုင်းမှာ ထိခိုက်ခံစားမှု ဖြစ်စေ နိုင်တာမို့ အင်မတန် အန္တရာယ်ကြီးတဲ့ ကိစ္စပါ။

ဒီလိုကိစ္စတွေ ဘာကြောင့် ဖြစ်ရသလဲ လို့ ဆန်းစစ်ကြည့်တော့ ပထမဆုံး ကျမတို့ လူမျိုးတွေမှာ တွေ့ရတဲ့ အဓိက ပြဿနာက “အယုံလွန်ခြင်း၊ သို့မဟုတ် အယုံလွယ်ခြင်း” ကြောင့်ပါပဲ။ ကလေးကို အိမ်ဘေးနားမှာ အပ်ခဲ့တာမျိုး၊ တွေ့တဲ့ လူနဲ့ ကျောင်းကြို ကျောင်းပို့ လုပ်ခိုင်းတာမျိုး၊ ကလေးတယောက်တည်း ဟိုနား ဒီနား ဈေးဝယ်ခိုင်းတာမျိုးတွေ လုပ်ခိုင်း တတ်ကြ ပါတယ်။ ပြီးတော့ မိဘ တော်တော်များများဟာ ကလေးတို့ကို အကြောက်နဲ့ အုပ်ချုပ်ကြတာ များတာမို့ ကလေးတို့ဟာ သူတို့ကို ထိပါး ခံလာရတဲ့ ကိစ္စတွေကို လူကြီးတွေထံ ပြန်မပြောရဲကြပါဘူး။ ပြန်ပြောလိုက်ရင် အဆူခံရမှာ၊ အရိုက်ခံရမှာ ကြောက်ကြပါတယ်။

မိဘများ အနေနဲ့ကလည်း ကလေးတို့ကို ဘယ်လိုနေရမယ်၊ ဘယ်လိုရှောင်ရမယ်၊ တကယ်လို့ ကိုယ့်ကို ထိပါးကိုင်တွယ် လာရင် ဘယ်လို ကာကွယ် ရမယ် ဆိုတာကို သင်ကြားပေး ထားတာ မဟုတ်တော့ ကလေးတို့ဟာ ကိုယ့်ကိုယ်ကိုယ် မကာကွယ် တတ်ကြပါဘူး။ တချို့တလေများဆို မိဘရှေ့မှာတောင်မှ ကလေးများကို ချစ်လို့ ဆိုတဲ့ အကြောင်းပြချက်နဲ့ စသလို၊ နောက်သလို ကိုင်တွယ်တတ်ကြတာ ရှိပါသေးတယ်။ အမှန်တော့ ဒါဟာ လက်ခံရမယ့် ကိစ္စ မဟုတ်ပါဘူး။ အားနာလို့ ဆိုပြီးတော့ ထိုင်ကြည့်နေရမယ့် အရာမဟုတ်ပါဘူး။ ကလေး ဘယ်လောက်ငယ်ငယ်၊ မွေးစပဲ ဖြစ်ပါစေ လက်မခံရမယ့် အပြုအမူမျိုးပါ။

အဲဒီလိုပဲ ကလေးနည်းနည်း ကြီးလာ၊ နားလည်လာပြီ ဆိုရင်ဖြင့် ကလေးတို့ရဲ့ ခန္ဓာကိုယ် အစိတ်အပိုင်းများဟာ တကိုယ်ရေ အရေးကြီးတဲ့ အင်္ဂါများ ဖြစ်တဲ့အကြောင်း၊ ဘယ်သူ့ကိုမှ အကိုင်အတွယ် မခံဖို့ အကြောင်း၊ တကယ်လို့ ထိပါး ကိုင်တွယ် လာပြီဆိုရင်လည်း အော်ပြီးတော့ အဝေးကို ထွက်ပြေးဖို့ လိုတဲ့ အကြောင်း ကလေးကို နားလည်အောင် သင်ကြားပေးထား ရပါမယ်။

ကလေးဆိုတဲ့ နေရာမှာ မိန်းကလေးမှ အရေးကြီးတာ မဟုတ်ပါဘူး။ ယောက်ျားလေးလည်း အရေးကြီး ပါတယ်။ ယောက်ျားလေးပဲ၊ အရေး မကြီးဘူး၊ တွေ့ရာလူနဲ့ ထည့်လိုက်တာပဲ ဆိုပြီးတော့ ကျမတို့ရဲ့ မြန်မာ မိဘတော်တော်များများ လုပ်လေ့ ရှိပါတယ်။ အဲလို လုပ်ခြင်းဟာ အင်မတန်မှ မှားယွင်းတဲ့ အပြုအမူပါ။ ကလေးသူငယ် ယောက်ျားလေးကို ယောက်ျားကြီးက အဓမ္မပြုကျင့်တာ၊ ထိပါးကိုင်တွယ်တာ မျိုးတွေလည်း ကျမတို့ ဆီမှာ တော်တော်များများ ရှိလာကြပါပြီ။

ကျမတို့ဆီမှာ ကလေးတို့ကို ဖျားယောင်း သွေးဆောင်ကြတဲ့ အခါမှာ လုပ်တတ်တဲ့ အလုပ်တွေ ထဲက တခုကတော့ လမ်းပြခိုင်းခြင်း ပါပဲ။ ဘယ်နားကို မသွားတတ်လို့ လိုက်ပို့ပါ၊ ဟိုနား ပို့ပေးပါ၊ ဒီနား ပို့ပေးပါ ဆိုတာမျိုးပါ။ သူစိမ်းတွေ ခေါ်ရာကို တယောက်တည်း မလိုက်ဖို့ ကလေးများကို ကြိုတင် သတိပေး ထားဖို့ လိုပါတယ်။ နောက်တခုကတော့ စူပါမားကတ်များပါ။ လူရှုပ်တဲ့ စူပါမားကက်များမှာ မိဘများက ရှေ့က ပစ္စည်းကို သဲကြီးမဲကြီးရွေးနေ၊ ကလေးက နောက်မှာ ရှိနေတယ်၊ မရှိနေဘူး ဆိုတာ သတိမထားမိ ဖြစ်တတ်ကြပါတယ်။ အဲဒီ အချိန်မှာ ကိုယ့်ကလေးရဲ့ အနားမှာ ကလေးကို အရုပ် (သို့) သကြားလုံးလေးပြ ချော့ပြီးတော့ ဖမ်းခေါ်သွားနိုင်တဲ့ လူတယောက်ယောက် ရှိမနေဘူးလို့ ဘယ်သူမှ မပြောနိုင်ပါဘူး။ ဒါကြောင့်မို့လို့ လူရှုပ်တဲ့ နေရာတွေကို သွားတဲ့ အခါမျိုးမှာ ကလေးတို့ကို မျက်စိအောက်က အပျောက် မခံသင့်ပါဘူး။

ကလေးတို့ ကျောင်းကို သွားတဲ့အခါမှာ ကျောင်းနဲ့ အိမ်အကြား လမ်းမှာ ကိုယ်မသိတဲ့ သူစိမ်းတရံဆံများနဲ့ စကားရပ် မပြောဖို့၊ သူများ ကျွေးတာ မစားဖို့၊ ရပ်ထားတဲ့ ကားတွေ အနားကနေ အရမ်းကပ်ပြီးတော့ မသွားဖို့ သင်ကြားပေးထားဖို့လည်း လိုပါတယ်။

ကလေးကို ဆွေမျိုးသားချင်းများနဲ့ ထားခဲ့တာက လွဲရင် ဘယ်လို တစိမ်းတရံဆံနဲ့မှ ထားမပစ်ခဲ့သင့် ပါဘူး။ ဘာပဲ ကြုံလာလာ၊ တွေ့လာလာ လူကြီးမိဘကို အကုန်လုံး ပြန်ပြောရဲ စေဖို့ အတွက် ကလေးတို့ကို ရဲရဲရင့်ရင့်နဲ့ ပြောတတ် ဆိုတတ်အောင် လေ့ကျင့်ပေးဖို့ လိုပါတယ်။

လူ့ရဲ့ စိတ်ဆိုတာဟာ အင်မတန်မှ မြင်ရခက်ပါတယ်။ မိဘများ အနေနဲ့ ကိုယ့်ရဲ့ကလေးကို ကိုယ် ကာကွယ်ဖို့ အတွက် ဘယ် သူစိမ်းတရံဆံရဲ့ လက်ထဲကိုမှ ကိုယ့်ရဲ့ကလေးကို ယုံယုံကြည်ကြည်နဲ့ ထည့်မပေးလိုက်ဖို့ လိုပါတယ်။ ကလေးတို့ ကျန်းမာဖို့၊ ဖွံ့ဖြိုးဖို့၊ ပညာတတ်ဖို့ အရေးကြီးသလိုပဲ ကလေးတို့ အနေနဲ့ ကလေးဘ၀ကို စိတ်လုံခြုံမှု၊ ကိုယ်လုံခြုံမှု ရှိရှိနဲ့ ဖြတ်သန်းနိုင်ဖို့ ဆိုတဲ့ ကိစ္စဟာ အင်မတန်မှ အရေးကြီးတဲ့ အရာပါပဲ။ ကလေးတို့ အနိုင်ကျင့် စော်ကားမခံရဖို့ လည်း အရေးကြီး ပါတယ်။

ကျမရဲ့ မိတ်ဆွေ အမျိုးသမီးကြီး တယောက်ဆိုရင် သူငယ်ငယ် အသက် ၈ နှစ်၊ ၉ နှစ် လောက် ကတည်းကိုက လိင်ပိုင်း ဆိုင်ရာ ထိပါးနှောင့်ယှက်မှုကို ခံခဲ့ရတယ်လို့ ဆိုပါတယ်။ စိတ်ချရတဲ့ ဆိုက်ကားဆရာနဲ့ ကျောင်းကို လွှတ်တာပါလို့ သူ့ရဲ့ အမေက ထင်ပေမယ့်လည်း အဲဒီ သမီးလေးငယ်လေးကို ဆိုက်ကားသမားက အပေါ်ယံ လိင်ပိုင်းဆိုင်ရာ ထိပါး နှောင့်ယှက် နေတာကို သူ့ရဲ့ အမေခမြာ မသိရှာပါဘူး။ စိတ်ထဲမှာ ငယ်စဉ်ကတည်းက ယောက်ျားလေးတွေကို မုန်းတီးတဲ့စိတ်၊ အိမ်ထောင်ပြုရမှာကို ကြောက်ရွံ့တဲ့စိတ် ၀င်ခဲ့တယ်လို့ ဆိုပါတယ်။ အမေကလည်း အကြောက်နဲ့ အုပ်ချုပ်တဲ့ အမေမျိုးမို့ အမေကို ပြန်တိုင်ပြောဖို့ လည်း မရဲခဲ့ရှာပါဘူး။ အဓမ္မမှု အထိ ကျူးလွန် မခံခဲ့ရတာကိုပဲ ကျေးဇူးတင်ရကြောင်း ကျမကို ပြောပြရှာပါတယ်။

ကျမတို့ဆီက ဥပဒေတွေမှာ ကလေးသူငယ်ဆိုင်ရာ လိင်ပိုင်းစော်ကားမှုကို ကျူးလွန်ရင် တရားစွဲလို့ရ၊ အပြစ်ပေးလို့ ရပေမယ့် ဒီိလို အပေါ်ယံ စော်ကားတာမျိုးကိုတော့ တိုင်တာ၊ တောတာ၊ အပြစ်ပေးတာမျိုး မကြားရ၊ မကြုံရသေးပါဘူး။ ဥပဒေမှာ ကလေးသူငယ်များကို အပေါ်ယံ ကျူးလွန်စော်ကားခဲ့ရင် ဘယ်လိုမျိုး အပြစ်ပေးရမယ်လို့ သတ်မှတ်ထားတာ မရှိသေးဘူးလို့ ထင်တာပါပဲ။ တကယ်လို့ မရှိသေးခဲ့ရင်ဖြင့် ဥပဒေ တရပ်အနေနဲ့ ပြဋ္ဌာန်းပေးဖို့ လိုပါပြီ။ ဒီလို ကျူးလွန် စော်ကားမှုမျိုး ဟာလည်း အဓမ္မမှု အထိ မရောက်ပေမယ့် ကလေးတို့ရဲ့ ရင်ထဲမှာ ချွန်မြတဲ့ အန္တရာယ် ဆူးတချောင်းလို စိုက်ဝင်သွားနိုင်တဲ့ စော်ကားမှုမျိုး ဖြစ်တာကြောင့် ကလေးရဲ့ အနာဂတ်မှာ အရိပ်မည်းကြီး ဖြစ်သွားစေပါတယ်။ နောက်တခုက စော်ကားသူများ အနေနဲ့လည်း အဓမ္မမှု မဟုတ်တာမို့ ငြင်းလို့ရနေတာပဲ ဆိုပြီးတော့ လွယ်လင့်တကူ ကျူးလွန်တတ်ကြ ပါတယ်။ ဒါကြောင့်မို့ ပြင်းထန် ထိရောက်တဲ့ ဥပဒေ တရပ်နဲ့ တားမြစ်ဖို့ လိုပါတယ်။

မကြာသေးခင်က ဂျာနယ်တခုမှာ အရွယ်မရောက်သေးတဲ့ ကလေးတွေနဲ့ ပတ်သက်ပြီး သတင်းတခု ဖတ်ခဲ့ရပါတယ်။ သင်္ဃန်းကျွန်းမြို့နယ် လွှတ်တော် အမတ် ဦးသိန်းညွန့်က အရွယ်မရောက်သေးတဲ့ ကလေးသူငယ်တွေ အပေါ် လိင်ပိုင်းဆိုင်ရာ ပြစ်မှု ကျူးလွန်သူများကို သေဒဏ်ချမှတ်သည် အထိ အပြစ်ပေးအရေးယူရေး အဆိုတင်သွင်းမယ် ဆိုတဲ့ သတင်းပါ။ ဒီသတင်းဟာ အရွယ်မရောက်သေးတဲ့ ကလေးသူငယ်တို့ အတွက် ထိရောက်တဲ့ အကာအကွယ် တခုဖြစ်လာဖို့ မျှော်လင့်မိပါတယ်။

မိဘတို့ အနေနဲ့လည်း ကိုယ့်ရဲ့ ကလေးကို ယောက်ျားလေး ဖြစ်စေ၊ မိန်းကလေး ဖြစ်စေ စိတ်လုံခြုံမှု၊ ကိုယ်လုံခြုံမှု ရှိစေဖို့ အတွက် တာဝန်ယူ ထိန်းသိမ်းစောင့်ရှောက် သင်ကြားပေးဖို့ လိုပါတယ်။ ကလေးတို့ရဲ့ အနာဂတ် ဘ၀ခရီးမှာ စိတ်ဒဏ်ရာကင်းပပြီး ရှင်သန်ဖြတ်သန်းသွားစေဖို့ အတွက် ကလေးများကို ၀ိုင်းဝန်းပြီး အကူအညီ ပေးကြပါဦး။

ခေတ်ဘုန်းသစ်

သင်တန်း၊ ပြိုင်ပွဲတွေက ကလေးအတွက် ဝန်ထုပ်ဝန်ပိုး မဖြစ်စေချင်

ပြီးခဲ့တဲ့ အပတ်တွေတုန်းက ကလေးတို့ရဲ့ ပညာရေးနဲ့ ပတ်သက်တဲ့ ကျောင်းတွေရဲ့ အကြောင်းကို ကျမတင်ပြ ဆွေးနွေး ခဲ့ပါတယ်။ ဒီတပတ်တော့ ကလေးများနဲ့ အပြင်သင်တန်းများ၊ ပြိုင်ပွဲများ အကြောင်းကို ကျမ တင်ပြဆွေးနွေး ချင်ပါတယ်။

ကျမတို့ နိုင်ငံမှာ အခုတလော ခေတ်စားလာတဲ့ အကြောင်းရာ ကတော့ ဘက်စုံဖွံ့ဖြိုးရေး ဆိုတဲ့ အကြောင်းရာပါ။ ဟိုးအရင် ကျမတို့ ငယ်ငယ်ကတော့ ကျောင်းစာ ထိခိုက်မှာ စိုးလို့ ဆိုပြီး မိဘတွေက ပန်းချီ မဆွဲရဘူးတို့၊ သီချင်း မဆိုရဘူးတို့ တားမြစ်ကြ ပါတယ်။ ဒါပေမယ့် အခုခေတ်မှာတော့ မိဘ တော်တော်များများဟာ ကျမတို့ရဲ့ မိဘတွေလို မဟုတ်တော့ဘဲ အမြင်တွေ ပြောင်းလဲ လာကုန်ကြပါပြီ။ ကလေးတို့ကို ကျောင်းစာအပြင် ပန်းချီ သင်တန်းပို့တာ၊ သီချင်းဆို သင်တန်းပို့တာ စသဖြင့် ပို့လာကြပါတယ်။ အဲဒီလို မိဘတွေက ကလေးတွေကို ဟိုသင်တန်း၊ ဒီသင်တန်း ဆိုတာတွေကို အပြိုင်အဆိုင် ပို့ကြသလိုပဲ၊ ဖျော်ဖြေရေး ရုပ်သံတွေကလည်း ကလေးတွေအတွက် ပြိုင်ပွဲတွေ လုပ်ပေးနေကြတာကို တွေ့ရပါတယ်။

ပထမဆုံး ပြိုင်ပွဲတွေ အကြောင်း မပြောခင်မှာ သင်တန်းတွေရဲ့ ကိစ္စကို ကျမ အရင်ဆုံး ပြောချင်ပါတယ်။ မိဘဆိုတာဟာ တကယ်တော့ ကိုယ့်ရဲ့ ကလေးကို ထူးချွန် စေချင်ကြတယ်၊ အတော်ဆုံး ဖြစ်စေချင် ကြတယ်၊ ဒါဟာ သဘာဝပါ။ ပန်းချီ သင်တန်း၊ ဗုဒ္ဓဘာသာ ယဉ်ကျေးမှု သင်တန်း၊ ကာရာတေး သင်တန်း၊ အဆိုသင်တန်း၊ ကွန်ပျူတာ သင်တန်း၊ စန္ဒရားတီး သင်တန်း၊ တယောထိုး သင်တန်း စသဖြင့် တတ်နိုင်ရင် တတ်နိုင်သလောက် အတက်ခိုင်းကြ၊ အသင်ခိုင်း ကြပါတယ်။

ဒီနေရာမှာ ကျမ ဘာကို တွေ့လာရသလဲ ဆိုတော့ ကလေးတို့ တတ်ချင်၊ သင်ချင်လို့ သင်ခိုင်း တက်ခိုင်းတာထက် ကလေးလည်း စိတ်မပါ၊ ၀ါသနာလည်း မပါပါဘဲနဲ့ အတင်းအကြပ် အတက်ခိုင်း၊ အသင်ခိုင်းတဲ့ မိဘများ တနေ့ တခြား များလာတာကို တွေ့လာရပါတယ်။ သုံးလေးနှစ် အရွယ် ကလေးလေးတွေကအစ ပန်းချီသင်တန်း တက်ခိုင်းတာ၊ အဆိုသင်တန်း တက်ခိုင်းတာ စတဲ့ မိဘတွေကို ကျမတွေ့လာရပါတယ်။ အစက ပန်းချီဆွဲဖို့ ၀ါသနာပါတဲ့ ကလေးတောင်မှ မိဘက ပန်းချီသင်တန်း အတင်း တက်ခိုင်းလို့ ပန်းချီ မဆွဲချင်တော့တာ၊ ပန်းချီပြိုင်ပွဲတွေ အတင်းအကြပ် ၀င်ခိုင်းလို့ စုတ်တံနဲ့ ဆေးကိုပါ မုန်းလာတာ မျိုးတွေလည်း တွေ့လာရပါတယ်။ ဒါဟာ ကလေးတယောက်ရဲ့ အနာဂတ် အတွက် အင်မတန်မှ အန္တရာယ်များတဲ့ အရာပါ။

အမှန်တော့ ကလေးတွေဟာ မွေးကတည်းကိုက တီထွင်ဖန်တီးမှု အစွမ်းလေးတွေ သဘာဝ အားဖြင့် ပါလာတတ် ကြပါတယ်။ အနားမှာ စုတ်တံ၊ ဆေး၊ ရောင်စုံခဲတံ၊ စာရွက် စသဖြင့် ချပေးထား လိုက်ရုံပါပဲ။ သူတို့ အမြင်၊ အတွေးနဲ့ ဆွဲချင်တဲ့ပုံကို လွတ်လွတ်လပ်လပ် ဆွဲပါလိမ့်မယ်။ မိဘတွေ လိုချင်သလိုမျိုး ၀ါရင့် ပန်းချီဆရာကြီး ဆွဲထားတဲ့ ပုံအတိုင်းတော့ မဖြစ်ဘူးပေါ့။

ဒါပေမယ့် ကလေးရဲ့ အတွေး စိတ်ကူးတွေကို ဖြန့်ကျက်ပြီး ဆွဲထားတာမို့ ပန်းချီသင်တဲ့ ဆရာက ဘယ်နေရာမှာ ဘယ်လိုဆွဲ၊ ဟိုနားက ဟိုလို၊ ဒီနားက ဒီလို ဆိုပြီးတော့ သင်ပေးထားလို့ ဆွဲတတ်တာထက် စာရင် ကလေးတို့ အတွက် အများကြီး ပိုကောင်း ပါတယ်။ ဒီလိုမျိုး ကိုယ်ဆွဲချင်ရာကို လွတ်လွတ်လပ်လပ် ဆွဲရာကနေ ကလေးကိုယ်တိုင်က လိုလိုချင်ချင် ပျော်ပျော်ရွှင်ရွှင်နဲ့ ပန်းချီသင်တန်း တက်ချင်လာပြီ ဆိုမှ ပို့ပေးတာဟာ ကလေးအတွက် ၀န်ထုပ်ဝန်ပိုး မဖြစ်စေပါဘူး။

ဂီတလည်း ဒီလိုပါပဲ။ ကလေးတို့ဟာ တုတ်ချောင်းလေးနဲ့ အိုးစုတ်၊ ခွက်စုတ်တွေကို ရိုက်ရင်းနဲ့ပဲ ရစ်သမ်ရဲ့ သဘော သဘာဝကို နားလည် သွားပါလိမ့်မယ်။ အသံကို နားလည်ဖို့၊ သိဖို့အတွက် ငယ်ငယ်ကတည်းက ကလေးကို ကလေးကဗျာလေးတွေ ရွတ်ခိုင်းတာ၊ ကလေးသီချင်း လေးတွေ နားထောင်စေတာမျိုးနဲ့ လေ့ကျင့်ပေးလို့ ရတာပါပဲ။ ကလေးသီချင်း ဆိုချင်တဲ့ အရွယ် ရောက်တော့ သူ့ ဘာသာသူ လွတ်လွတ်လပ်လပ် ဆိုလိမ့်မပေါ့။ ဒီအထဲမှာမှ ကလေးက ဂီတကို ဒီလောက်နဲ့ မရောင့်ရဲ နိုင်ဘဲ တခုခုကို တီးခတ်ချင်တာမျိုး၊ ဆိုချင် ပြုချင်တာမျိုး ဖြစ်လာမယ် ဆိုရင်ဖြင့် ဂီတသင်တန်း၊ အဆိုသင်တန်း တို့ကို အတက်ခိုင်းဖို့ သင့်ပါတယ်။ ပန်းချီသင်တန်းပဲ ဖြစ်ဖြစ်၊ အဆို၊ အတီးသင်တန်းပဲ ဖြစ်ဖြစ် ဘယ်သင်တန်းမဆို ကလေးအတွက် ၀န်ထုပ်ဝန်ပိုး ဖြစ်လာရင် မကောင်းပါဘူး။ သူတို့ ပျော်ပျော်ရွှင်ရွှင်နဲ့ သင်ကြားချင်လို့ သင်ကြားတာမျိုးပဲ ဖြစ်သင့်ပါတယ်။

နောက်တခု ပြောချင်တာက ပြိုင်ပွဲများ အကြောင်းပါ။ ရုပ်သံ ဖျော်ဖြေရေး အစီစဉ်တွေမှာ ပါတဲ့ ပြိုင်ပွဲတွေက အစ၊ ဟိုက လုပ်တဲ့ ပြိုင်ပွဲ၊ ဒီက လုပ်တဲ့ ပြိုင်ပွဲ စသဖြင့် ဒီဘက်ခေတ်မှာ ပြိုင်ပွဲတွေ တော်တော်များလာတာကို တွေ့ရပါတယ်။ ပြိုင်ပွဲတွေကို ကလေး ကိုယ်တိုင် ၀င်ပြိုင်ချင်လို့ လိုလိုချင်ချင်နဲ့ ပြိုင်တာ ဆိုရင်ဖြင့် ကိစ္စမရှိပါဘူး။ ဒါပေမယ့် မိဘများက အတင်းအကြပ် ၀င်ပြိုင်ခိုင်းတာမျိုး၊ ဆုရဖို့ အတွက် ကလေးကို အတင်း ဖိအားပေး စေခိုင်းတာမျိုး လုပ်မယ်ဆိုရင်ဖြင့် ကလေးတို့ အတွက် ၀န်ထုပ်ဝန်ပိုးဖြစ်စေပါတယ်။

ဥပမာ အနေနဲ့ ပြောရမယ် ဆိုရင်တော့ ချန်ပီယံလေးများ ဆိုတဲ့ ရုပ်သံအစီစဉ် ပါပဲ။ မူကြိုအရွယ် ကလေးငယ် လေးတွေကို မိဘက အတင်းစေခိုင်းပြီး လုပ်ခိုင်းနေတဲ့ ပြိုင်ပွဲပါ။ သူတခါမှ မမြင်ဘူး၊ မရောက်ဘူးတဲ့ နေရာမှာ ဘာလုပ်လို့ ဘာကိုင်ရမှန်း မသိဘဲ၊ ကြောက်ကြောက်ရွံ့ရွံ့ ဖြစ်နေရှာတဲ့ ကလေးတွေကို တွေ့ရတာဟာ အင်မတန်မှ စိတ်ဆင်းရဲစရာ ကောင်းလှပါတယ်။ မလုပ်တတ်၊ မကိုင်တတ်နဲ့ အလွဲလွဲအချော်ချော် ဖြစ်မှာကို လည်း စိုးရိမ်တဲ့စိတ်၊ အမေ အဆူခံထိမှာလည်း ကြောက်တဲ့ စိတ်ကလေးတွေက ကလေးတို့ မျက်နှာမှာ အတိုင်းသားပေါ်လို့ နေပါတယ်။

ဘာ အစီစဉ်ပဲ လုပ်လုပ်၊ ဘာပြိုင်ပွဲပဲ လုပ်လုပ် အရေးအကြီးဆုံးက ကလေးတွေ ပျော်ဖို့ပါ။ ကလေးကို အခြေခံပြီးတော့ လုပ်တဲ့ အစီစဉ်တခုမှာ ဘယ်လို အစီစဉ်မျိုးပဲ ဖြစ်ဖြစ် ကလေးတို့ ပျော်ရွှင်ဖို့က သိပ်အရေးကြီးပါတယ်။ ကလေးတို့ရဲ့ ဖွံ့ဖြိုးမှု၊ ရဲရင့်မှု စတာတွေကို အသက်အရွယ်နဲ့ တိုင်းတာလို့ မရပါဘူး။ ဖွံ့ဖြိုးရေး မိုင်တိုင်ဟာ အသက်အတူတူ ကလေးချင်း များမှာတောင် တယောက်နဲ့ တယောက် ကွာခြားချက်တွေ ရှိပါတယ်။ လူကြီးမိဘကို ကြောက်လို့ မတက်ချင်ဘဲ သင်တန်းတွေ လိုက်တက် နေရတဲ့ ကလေးတွေ၊ မပြိုင်ချင်ပါဘဲနဲ့ ပြိုင်ပွဲတွေ ၀င်ပြိုင်နေရတဲ့ ကလေးတွေ များလာပြီ ဆိုရင်ဖြင့် ကလေးတို့ရဲ့ အနာဂတ် ဉာဏ်ရည်နဲ့ ဘက်စုံဖွံ့ဖြိုးရေးကိုပါ ထိခိုက်စေလာနိုင်တာမို့ မိဘတွေကို သတိပြုစေချင်ပါတယ်။

ကျမ အနေနဲ့ကတော့ဖြင့် ကလေးတို့ကို လွတ်လပ် ပျော်ရွှင်စွာ ကြီးပြင်းစေတာကို သဘောကျပါတယ်။ ကလေးတို့ လုပ်ချင်တဲ့၊ အန္တရာယ်ကင်းတဲ့ အလုပ်တွေကို သူတို့ဘာသာ သူတို့ စိတ်တိုင်းကျ ရွေးချယ် လုပ်ခွင့် ပေးတာကို ပိုနှစ်သက် ပါတယ်။ ကလေးတွေဟာ ကျမတို့ ကလေးဘ၀က မဖြစ်ခဲ့ရတဲ့၊ မလုပ်ခဲ့ရတဲ့ အရာတွေကို ဖြစ်အောင် လုပ်ပေးဖို့ အတွက် ကျမတို့ ကိုယ်စား မွေးဖွားလာကြတဲ့ သူတွေ မဟုတ်ပါဘူး။ သူတို့မှာ သူတို့ကိုယ်ပိုင် စိတ်ဝင်စားမှု၊ သူတို့ ကိုယ်ပိုင်အတွေး၊ သူတို့ ကိုယ်ပိုင် စိတ်ကူး စိတ်သန်းများ ကိုယ်စီ ရှိနေကြတဲ့ သီးခြားလူသားလေးများပါ။

သူတို့ရဲ့ ဆန္ဒ၊ သူတို့ရဲ့ ၀ါသနာ၊ သူတို့ရဲ့ စိတ်ဝင်စားမှုကို ကျမတို့ လေးစားဖို့ လိုပါတယ်။ ဘယ်လို ပြိုင်ပွဲမျိုးပဲ ဖြစ်ဖြစ်၊ ဘယ်လို သင်တန်းမျိုးပဲ ဖြစ်ဖြစ် ကလေးတို့ အတွက် ၀န်ထုပ်ဝန်ပိုး ဖြစ်စေမယ့် ပြိုင်ပွဲမျိုး၊ သင်တန်းမျိုးကို မတက်ခိုင်း၊ မပြိုင်ခိုင်းသင့်ပါဘူး။ ကလေးတို့ ၀ါသနာပါရာကို ၀န်ထုပ်ဝန်ပိုး မဖြစ်စေဘဲ ပျော်ပျော်ရွှင်ရွှင်နဲ့ သင်ယူခွင့် လေ့လာခွင့် လုပ်ကိုင်ခွင့် ရမယ် ဆိုရင်ဖြင့် မိဘတို့ မျှော်လင့်သလိုမျိုး တကယ် ထူးချွန်တဲ့ ကလေးမျိုး ဖြစ်လာမှာပါပဲ။

( ခေတ်ဘုန်းသစ် )

ပညာရွှေအိုးခေတ်နဲ့ ကလေးတို့ရဲ့ပညာရေး

ပြီးခဲ့တဲ့အပတ်တုန်းက ကျမတို့ နိုင်ငံရဲ့ အစိုးရကျောင်းများက ဆရာမများ ရဲ့ “သည် ၏ မလွဲ” ကျက် အဖြေခိုင်းတဲ့ စာသင်ပုံ နည်းစနစ်ကို ကျမဆွေးနွေးတင်ပြခဲ့ပါတယ်။

ဒီအပတ်တော့ ကျမတို့ နိုင်ငံရဲ့ အစိုးရကျောင်းများ မဟုတ်တဲ့ အပြင်ကျောင်းများရဲ့ အကြောင်းကို ကျမ ဆွေးနွေးတင်ပြ ချင်ပါတယ်။ ကျမတို့ ငယ်ငယ်တုံးကတော့ ရွေးချယ်စရာရယ်လို့ သိပ်မရှိကြပါဘူး။ အစိုးရကျောင်းမှာပဲ တက်ကြရတာ ပါပဲ။ ဒါပေမယ့် အခု သားလေးတို့ ခေတ်မှာတော့ ရွေးချယ်စရာ ကျောင်းတွေက များလာပါပြီ။ တလကို လေးငါးသောင်း ပေးရတဲ့ ကျောင်းက စလို့ တလကို ဆယ့်လေးငါးသိန်း ပေးပြီးတော့ တက်ရတဲ့ ကျောင်းတွေ အထိ ကျောင်းတွေ များလာပါတော့တယ်။ နိုင်ငံတကာကျောင်း လို့ ခေါ်တဲ့ ကျောင်းများမှာ စင်ကာပူ သင်ရိုးညွှန်းတန်း၊ အမေရိကန် သင်ရိုးညွှန်းတမ်း စသဖြင့် သင်ရိုးညွှန်းတန်းများက ကွဲပြားမှု ရှိသလို ပေးရတဲ့ ငွေကြေး ပမာဏခြားမှု ရှိတဲ့ အပြင်၊ နိုင်ငံခြားဆရာ သင်တဲ့ကျောင်းနဲ့ ပြည်တွင်းက အဖြူ မဟုတ်တဲ့ မြန်မာ ဆရာ၊ ဆရာမလေးတွေ သင်တဲ့ကျောင်း အလိုက်လည်း ဈေးကွာခြားမှု ရှိပါတယ်။

နိုင်ငံတကာ ကျောင်းကို ထားတဲ့ မိဘတော်တော်များများရဲ့ ရည်ရွှယ်ချက်က မိမိတို့ ကလေးကို အင်္ဂလိပ်လို တတ်စေချင်၊ ပြောစေချင် လို့ပို့ကြတာ များပါတယ်။ အင်္ဂလိပ်စာ တတ်ရင် ကလေးတို့ ရဲ့ပညာရေး ကောင်းလာမယ်။ နိုင်ငံခြားမှာ တက္ကသိုလ် ဆက်တက်နိုင် လိမ့်မယ်လို့ တွေးကြ ယူဆကြ ပါတယ်။ ဒါကြောင့်မို့ သူတို့ရဲ့ ကလေးကို အဖြူဆရာတွေ သင်တဲ့ ကျောင်းမျိုးကိုမှ တတ်နိုင်ရင် တတ်နိုင်သလောက် ရွေးချယ် တက်ရောက်စေတတ် ကြပါတယ်။

“အဖြူ” ဆရာ သင်တဲ့ကျောင်းများရဲ့ ကျောင်းစရိတ် တနှစ်စာ ဟာ အမေရိကားမှာ တက္ကသိုလ် တက်ဖို့ အတွက် ပေးရတဲ့ တနှစ်စာ ကျောင်းစရိတ်လောက် ရှိပေမယ့် စိတ်မကောင်း စရာကောင်းလောက်အောင်ပဲ ကျမတို့ ဆီကို ၀င်လာတဲ့ (ကျောင်းတွေမှာ သင်နေကြတဲ့ ) “အဖြူ”ဆရာ တော်တော်များများဟာ တကယ့် ဆရာတွေ မဟုတ်ကြပါဘူး။ အကြောင်း အမျိုးမျိုးကြောင့် ကျမတို့နိုင်ငံထဲကို ၀င်လာတဲ့ လူတွေပါ။ တချို့ဆို ဘာဘွဲ့မှ မရကြသေးတဲ့၊ ပညာ မတတ်တဲ့ လူမျိုးတွေ တောင်မှ ပါကြပါတယ်။ တချို့ ကျောင်းတွေဆိုရင် ဆရာရဲ့ နောက်ခံ အကြောင်းကို ဘာမှ မသိဘဲ၊ မလေ့လာ မစုံစမ်းဘဲ အဖြူဖြစ်ရင် ပြီးရော ဆိုပြီးတော့ ဆွဲခန့်လိုက်ကြတာတွေ လည်း ရှိပါတယ်။

သူတို့ဟာ ကလေးကို စာ ဘယ်လို သင်ရမလဲ ဆိုတာကို မသိကြပါဘူး။ အဲဒီထဲက ဆရာတချို့ဟာ ဆိုရင်ဖြင့် ကလေး တို့ကို စာသင်ဖို့ အတွက် မသင့်တော်တဲ့ ဆရာများ တောင်မှ ပါတတ်ကြပါ သေးတယ်။ ကလေးတို့အတွက် အရေးကြီးတဲ့ သချာင်္ရဲ့ သဘောတရားတွေကို ဘယ်လို သင်မလဲ၊ သိပ္ပံဘာသာရဲ့ သဘောတရားတွေ ဘယ်လိုသင်မလဲ၊ ပထ၀ီကို ဘယ်လို သင်မလဲ ဆိုတာကို သူတို့ မသိကြပါဘူး။ ကလေး အတွက် အရေးကြီးလှတဲ့ ထိုးထွင်း သိမြင်တွေးတော စူးစမ်း တတ်တဲ့ဉာဏ် ( critical thinking) ဖြစ်လာအောင်၊ တွေးတတ်အောင် ဘယ်လို သင်ကြမလဲ ဆိုတာလည်း မသိ မတတ်ကြပါဘူး။ အဖြူဖြစ်တဲ့ အတွက်မို့ “ဘို” လိုတော့ ရွှတ်ရှက်ဒွတ်ဒက် နဲ့ ပြောတတ်ကြပါတယ်။ ဒါပေမယ့် အင်္ဂလိပ်စာ ဆိုတာဟာ ဘာသာစကားပါ။ ပညာရပ် မဟုတ်ပါဘူး။

အင်္ဂလိပ်စာ ဟာ ကမ္ဘာသုံး ဘာသာစကား ပေမို့တတ်ရမယ့်၊ တတ်သင့်တဲ့ ဘာသာစကားပါ။ အင်္ဂလိပ် စကားကို သင်ဖို့၊ အသံထွက် မှန်အောင် ပြောဆိုတတ်ဖို့၊ ဖတ်တတ် ရေးတတ်ဖို့ လိုတယ် ဆိုတာကို ကျမ မငြင်းလိုပါဘူး။ ဘယ်ဘာသာရပ် ကိုပဲ လေ့လာချင်၊ လေ့လာချင် အင်္ဂလိပ်လို တတ်တော့မှ ရေဆုံး ရေဖျားထိ ဖတ်မှတ်လေ့လာ နိုင်မှာမို့ အင်္ဂလိပ်စာဟာ တတ်သင့်တဲ့ ဘာသာစကားပါ။ ဒါပေမယ့် အင်္ဂလိပ်စာ တတ်ရုံ တခုတည်းနဲ့တော့ ထူးချွန်တဲ့ ကလေး ဖြစ်လာမှာ မဟုတ်ပါဘူး။ အင်္ဂလိပ်စာ တတ်တိုင်းသာ ထူးချွန်ရမယ် ဆိုရင်ဖြင့် အင်္ဂလန်နဲ့ အမေရိကန်မှာ ရှိနေတဲ့ လူအားလုံး ပညာတတ်တွေချည်းပဲ ဖြစ်နေကြတော့ မှာပါပဲ။

ပညာသင်တဲ့ အရွယ်ဟာ ကလေးတို့အတွက် သိပ်ကို မှ အရေးကြီးပါတယ်။ ကလေးတို့ရဲ့ စိတ်ဝင်စားမှုချင်း၊ ထူးချွန်ထက် မြက်မှုချင်းဟာ တယောက်နဲ့ တယောက် မတူကြပါဘူး။ ကျမတို့ ငယ်ငယ်တုန်းကတော့ များများကျက်နိုင်၊ မှတ်နိုင်သူ၊ ပြန်ပြီးတော့ စာရွက်ပေါ်မှာ ချပြီးတော့ ရေးနိုင်တဲ့သူကို ဉာဏ်ကောင်းတယ်လို့ ခေါ်ကြပါတယ်။ အမှန်တော့ မဟုတ်ပါဘူး။ သင်ကြားရေး သင်ရိုးညွန်းတန်းကို ဆွဲတဲ့ေ နရာမှာ ကလေးတို့ရဲ့ ဉာဏ်ရည်ဉာဏ်သွေးများကို အခြေခံပြီးတော့ ဆွဲဖို့ အတွက် ဟားဗက် တက္ကသိုလ်က ထင်ရှားတဲ့ ပါမောက္ခ တစ်ဦးဖြစ်သူ Howard Gardner က theory of multiple intelligences မှာ ဉာဏ်ရေဉာဏ်သွေး ရှစ်မျိုးကို ကို ခွဲခြားပြသပေးခဲ့ပါတယ်။

အဲဒါတွေကတော့ ၁) တချို့ကလေးတွေဟာ ဘာသာစကားမှာ တော်ကြပါတယ်။ စာဖတ်တာ၊ ရေးတာ ၊ စကားပြောရတာ၊ စတဲ့ နေရာတွေမှာ တော်ကြတာပါ။ ၂) တချို့ကတော့ သချာင်္တို့၊ ယုတ္တိဗေဒတို့မှာ စိတ်ဝင်စားကြ တော်ကြပါတယ်။ ကတ်ပြားလေးတွေ ဆက်တာမျိုး၊ ပဟေဠိ ကစားရတာမျိုး၊ တွက်ရချက်ရ၊စဉ်းစား ရတာမျိုး ကြိုက်ကြတယ်။ ၃) တချို့ ကတော့ ကတ်ပြားလေးတွေ နဲ့ အိမ်ဆောက်ရတာ၊ ဂျုံရုပ်တွေ နဲ့ ပုံစံထွင်ရတာ စတဲ့ ထုထည်တွေ၊ ပုံတွေ၊ အရာဝတ္ထုတွေကို စိတ်ဝင်စားတတ်ကြပါတယ်။ ဒီလို ကလေးမျိုးဟာ ဂျီသြမေတြီ ဘာသာရပ်မျိုးမှာ တော်ကြပါတယ် ၄) တချို့ကတော့ ကိုယ်လက် လှုပ်ရှား ကစားရတဲ့ အားကစားတို့၊ ကတာခုန်တာတို့ စတာတွေကို စိတ်ဝင်စားကြတယ်။ ၅) တချို့ကလေး တွေကတော့ တီးရမှုတ်ရတာ၊ သီချင်းဆိုရတာ ၊ တူရိယာ ပစ္စည်းတွေကို တီးခတ်တာ စတဲ့ ဂီတကို စိတ်ဝင်စားတယ်။ ၆) တချို့ ကလေးတွေကတော့ သူငယ်ချင်းတွေနဲ့ အတူတူ ပူးပေါင်းပြီးတော့ အလုပ်လုပ်ရတာ၊ အချင်းချင်းဝေမျှ သုံးစွဲရတာ၊ တခြားလူ အကြောင်းကို စိတ်ဝင်တစားနဲ့ မေးမြန်း နားထောင် ရတာ ကို စိတ်ဝင်စားပါတယ်။ ရ) တချို့ကတော့ ကိုယ့်ရင်ထဲက ဖြစ်လာတဲ့ ခံစားချက်တွေကို ပန်းချီတို့၊ ကဗျာ တို့ ၊ ၀တ္ထုတို့ အက်ဆေးတို့နဲ့ ထုတ်ဖော်ပြသ ရတာ စိတ်ဝင်စားတယ်။ ၈) တချို့ကတော့ သဘာဝ ပတ်ဝန်းကျင်ကို စိတ်ဝင်စားကြပါတယ်။

ဒီစိတ်ဝင်စားမှုနဲ့ ကလေးတို့ရဲ့ ထူးချွန်မှုများဟာ ပညာရေးမှာ အထောက်ကူဖြစ်စေတဲ့ ဉာဏ်ရည်ဉာဏ်သွေးများပါပဲ။ ကလေးတို့ တက်မယ့်ကျောင်းမှာ ကလေးတို့ရဲ့ ဒီစွမ်းရည်လေးတွေကို အခြေခံပြီး၊ ထုတ်ဖော်ပြီးတော့ သင်ပေးနိုင်တဲ့ သင်ရိုးညွှန်းတန်းနဲ့ ဆရာများ ရှိကို ရှိရပါမယ်။ ဒါမှ ကလေးတွေ နိုင်ငံတကာတက္ကသိုလ်တွေကို တက်ကြတဲ့အခါမှာ အဆင့်မီမီနဲ့ အခြေခံပိုင်ပိုင် သင်ယူ နိုင်ပြီး ထူးချွန်ကြမှာပါ။

“ဘို”ဆရာတွေ သင်ကြတဲ့ နိုင်ငံတကာ ကျောင်းများက မျှော်လင့် ထားသလောက် အားရစရာ မကောင်းလှသလို ၊ အင်္ဂလိပ် ဆရာတွေကို မခန့်တဲ့ မြန်မာဆရာတွေကိုပဲ ခန့်တဲ့ ပြင်ပကျောင်းတွေကို ကြည့်ပြန်တော့လည်း ဆရာ၊ ဆရာမ တော်တော်များများဟာ ၀ါသနာပါလို့ ၀င်လုပ်ကြတဲ့ လူ အင်မတန်မှ နည်းပါတယ်။ ရတဲ့ အလုပ်တခုကို ၀င်လုပ်လိုက်တဲ့ သဘော။ ဘ၀ရဲ့ အဆင့် တခု ၊ခုန်စရာ တုံးခု အနေနဲ့ ၀င်လုပ်လိုက်တဲ့ လူမျိုးတွေ များပါတယ်။ ဒါကြောင့် ကလေးတို့ကို သင်ကြားတဲ့ အခါမှာလည်း ကြိုးစားအားထုတ်မှု နည်းကြပါတယ်။ အလုပ်ခန့်တဲ့ ကျောင်းပိုင်ရှင်များ ကလည်း အင်္ဂလိပ်လို လေး ပြောတတ်ရင်ပဲ ဆွဲခန့်လိုက်ကြတာမို့ သင်ကြားရေးမှာ ကလေးတို့ အတွက် ရင်လေး စရာပါပဲ။ အဲဒီလို ကျောင်းမျိုး မှာ မြန်မာစာတော့ သင်ပေးပါရဲ့ ဆရာမက အသတ်တွေကို ပီပီသသ ရေးသား မပြ၊ ရရစ် ရပင့် ၀ဆွဲတွေ မမှန် စသဖြင့် မြင်နေရတာပါပဲ။ စလုံးနဲ့ ဆလိမ်နဲ့ အတူတူပဲ လို့ ကလေးကို ပြောပြီးတော့ သင်တဲ့ မြန်မာစာ ဆရာမတောင် ရှိပါသေး တယ်။ ကလေးတွေဟာ စားနဲ့ ဆားကို အသံအားဖြင့် မခွဲတတ်ကြတော့ ပါဘူး။

လောလောဆယ် ကျမတို့နိုင်ငံရဲ့ပညာရေး လောကကြီးကို လေ့လာကြည့်မယ် ဆိုရင်ဖြင့် တတန်းကို လူ ၇၀၊ ၈၀ လောက် ရှိပြီး၊ အပြင်မှာ ကျူရှင်မယူရင် ဘာမှ မတတ်တဲ့ အစိုးရကျောင်းတွေ ကလည်း စိတ်ပျက်စရာ ကောင်းလှသလို၊ ပြင်ပကျောင်းတွေကလည်း အားရစရာ မရှိလှ ပြန်ပါဘူး။ မိဘများ တနှစ် တနှစ် ကုန်ကျနေရတဲ့ ကလေးပညာရေး စားရိတ်တွေ ဟာ ကလေးတို့ အတွက် အကျိုး ရှိသင့်သလောက် မရှိဘဲနဲ့ ကုန်ကျခံနေ ရသလို ဖြစ်နေပါတယ်။

ပညာရေးဟာ လူမျိုးတမျိုး အတွက် အင်မတန်မှ အရေးကြီး ပါတယ်။ ကိုယ်တယောက်တည်း၊ ကိုယ့်တနိုင်ငံတည်း နေလို့ မရတော့တဲ့ အချိန်မို့ ကျမတို့ရဲ့ ကလေးတွေ တကယ် ပညာတတ်ဖို့၊ တကယ် ထူးချွန်ဖို့ အတွက် ကောင်းမွန် ပြည့်စုံတဲ့ ပညာရေး သင်ယူခွင့်ရဖို့ လိုပါတယ်။ သဲကန္တာရထဲမှာ ရေကို ရှာနေရသလိုပဲ ကလေးတို့ကို ပညာကောင်းကောင်း ပေးနိုင်မယ့် ကျောင်းကောင်းကို ကျမဖြင့် အခုချိန်ထိ ရှာလို့ မတွေ့နိုင်သေးပါဘူး။ သဲကန္တာရထဲမှာ အိုအေစစ်တော့ ရှိတတ် ပါတယ်။ သဲကန္တာရထဲက အိုအေစစ်လိုမျိုး ကိုယ့် အကျိုးအမြတ်အရ ကျောင်းဖွင့်၊ ကျောင်းထောင်ပေမယ့်လည်း ကလေးတို့ရဲ့ အကျိုး၊ နိုင်ငံရဲ့ အကျိုး၊ ကိုယ့်လူမျိုးရဲ့ အကျိုးကို တကယ်လိုလားပြီးတော့၊ တကယ့် စေတနာနဲ့ ဖွင့်တဲ့ ကျောင်းမျိုးတွေ ကျမတို့နိုင်ငံမှာ လိုနေပါပြီ။

ခေတ်ဘုန်းသစ်

အနာဂတ်အတွက် အရေးကြီးသည့် ကစားခြင်း

ကျမ ဧရာဝတီမှာ ကလေးအကြောင်း ပြောလာတာ တော်တော်များလာပါပြီ။ ဘာကြောင့် ဧရာဝတီမှာ ကလေးအကြောင်းကိုပဲ အဓိကထား ပြောနေရသလဲ ဆိုတော့ ကလေးတို့ရဲ့ အနာဂတ်ဟာ နိုင်ငံတော်ရဲ့ အနာဂတ် ဖြစ်လို့ပါပဲ။ နိုင်ငံတနိုင်ရဲ့ အနာဂတ်အတွက် အရေးကြီးဆုံး လူများဟာ ကလေးများပါ။ ဒါကြောင့်မို့လို့ ကလေးတိုင်းဟာ မှန်ကန်တဲ့ ပြုစု စောင့်ရှောက် မှုမျိုးနဲ့ ပြုစုခံရဖို့၊ မှန်ကန်တဲ့ ပညာရေးကို ရရှိစေဖို့ သိပ်ကို လိုပါတယ်။

ဒါပေမယ့် ၀မ်းနည်းစရာ ကောင်းအောင်ပဲ ကျမတို့ မြန်မာပြည်မှာ မှန်ကန်တဲ့ ပြုစုစောင့်ရှောက်မှုမျိုးကို ရရှိတဲ့ ကလေးများဟာ သိပ်ကိုမှ နည်းပါး နေပါတယ်။ အဲဒီလိုပဲ ပညာရေးနဲ့ ပတ်သက် လာပြန်ရင်လည်း ကလေးတို့ ခမျာ အရွယ်နဲ့ မမျှအောင် ကျူရှင်၊ ကျောင်း၊ ဂိုက် ဆိုတာတွေနဲ့ လုံးပမ်း နေရပြန်ရှာပါတယ်။

ကျမတို့ ငယ်ငယ်တုန်းကတော့ ကျူရှင်ဆိုတာဟာ အတန်း တော်တော်ကြီးတဲ့ ကိုးတန်း၊ ဆယ်တန်းလောက် ရောက်တော့မှ တက်ရတဲ့ အရာပါ။ ဒါပေမယ့် အခုခေတ် ကလေးများ ခမျာမှာတော့ သူငယ်တန်း၊ တတန်းကတည်းက ကျူရှင် စတက် နေရပါပြီ။ ကျောင်းကျူရှင်၊ အပြင် ကျူရှင်၊ ပြီးတော့ ဂိုက်ဆိုတာပါ ပါလိုက်ပါသေးတယ်။ တချို့ မိဘများက အင်္ဂလိပ်စာ အပို သင်တန်း၊ တရုတ်စာ အပိုသင်တန်း၊ ကွန်ပျူတာသင်တန်း ဆိုတာတွေကိုပါ ထပ်ဖြည့်ပြီးတော့ အတက်ခိုင်းလိုက် ပါသေးတယ်။

သူငယ်တန်း၊ တတန်းအရွယ် ကလေးများခမျာ ဆော့ချိန်၊ ကစားချိန်ရယ်လို့ လုံးလုံး မရှိတော့ပါဘူး။ ကလေးတယောက်ရဲ့ ဦးနှောက်တွေ ရွှင်လန်းလာစေဖို့၊ ကိုယ်လက်ကြံ့ခိုင်စေဖို့နဲ့ လိုအပ်တဲ့ စွမ်းရည်တွေ ရရှိစေဖို့ အတွက် ကလေးတွေ ကစားဖို့ လိုပါတယ်။ ကလေးအရွယ် ဆိုတာဟာ ကစားတဲ့ အရွယ်ပါ။ ကလေးတို့ဟာ ကြီးပြင်းလာလို့ လူ့ဘ၀ထဲကို ထဲထဲဝင်ဝင် ၀င်ရောက် လာတဲ့အခါမှာ သူတို့ ကြုံတွေ့ရမယ့်၊ လိုက်နာရမယ့် စည်းမျဉ်းများ၊ ဥပဒေများ၊ ပေါင်းသင်း ဆက်ဆံရေးများကို ငယ်စဉ်ကတည်းမှာ ကိုက ကစားခြင်းကနေတဆင့် သင်ယူ သွားကြတာမျိုးပါ။ တနည်း ပြောရရင်တော့ ကစားရင်းနဲ့ သင်၊ သင်ရင်းနဲ့ ကစား ဆိုသလိုပါပဲ။ တကယ်တော့ ကလေးတို့ရဲ့ ကစားခြင်းဟာ စာသင်ခန်းများရဲ့ သင်ခန်းစာများလိုပဲ ကလေးတို့ အတွက် သိပ်ကိုမှ အရေးကြီးလှ ပါတယ်။

ကျမတို့ရဲ့ မြန်မာ့ရိုးရာ ကစားနည်း တခုဖြစ်တဲ့ ထုတ်စည်းတိုးတမ်း ကစားနည်း ကိုပဲလေ့လာ ကြည့်ရအောင်ပါ။ ထုတ်စည်းတိုးတမ်း ကစားနည်းဟာ အုပ်စုနဲ့ ကစားတဲ့ ကစားနည်းပါ။ အုပ်စု နှစ်စု ခွဲထားပြီးတော့ ကစားကြပါတယ်။ အုပ်စု နှစ်စုလုံးမှာ ခေါင်းဆောင်သူ ခေါင်သူကြီး ရှိပါတယ်။ ခေါင်သူကြီးဟာ နေရာချမှတ် ပေးပါတယ်။ ကစားသူများ အားလုံးဟာ ကစားတဲ့ စည်းမျဉ်းကို လိုက်နာကြရပါတယ်။ ထမင်းရည်ပူလို့ ခေါ်တဲ့ စည်းကြောင်းကို မထိရပါဘူး။

ဒီကစားနည်းကို ကြည့်မယ်ဆိုရင် … ကလေးတို့ဟာ ကစားခြင်းကနေ တဆင့် အင်မတန် အရေးကြီးတဲ့ အုပ်စုနဲ့ ဆောင်ရွက်တတ်ခြင်း ဆိုတဲ့ အရာကို သိရှိတတ်မြောက် သွားကြပါတယ်။ စည်းမျဉ်း ဥပဒေကို လိုက်နာတတ်ကြသလို၊ အဖွဲ့ ခေါင်းဆောင်ရဲ့ ညွှန်ကြားမှု အောက်မှာ အလုပ်တခုကို အောင်မြင်အောင် အားသွန်ခိုက်စိုက် ကြိုးစား အားထုတ် သွားတာ မျိုးပါ။ အဖွဲ့ခေါင်းဆောင် ဟာလည်း ထို့အတူပါပဲ၊ ကိုယ့်ရဲ့ အဖွဲ့မှာ ဘယ်သူကတော့ ဘယ်နေရာမှာ အားသာတယ်၊ ဘယ်သူ ကတော့ ဘယ်နေရာမှာ အားနည်းတယ် ဆိုတဲ့ အားနည်းချက် အားသာချက်ကို သိလာပါတယ်။ နေရာချတတ်၊ ညွှန်ကြား တတ်ကြတယ်။ အဖွဲ့ခေါင်းဆောင် လုပ်တဲ့ ကလေးများဟာလည်း ကစားရင်းနဲ့ပဲ စီမံခန့်ခွဲတတ်တဲ့ အတတ်ကို သင်ယူ တတ်မြောက် သွားကြတာပါပဲ။

ကျမတို့ရဲ့ မြန်မာ့ ရိုးရာ ကစားနည်းများထဲမှာ အင်မတန်မှ ချစ်စရာကောင်းတဲ့ ခြင်းလုံး ကစားနည်းဟာလည်း အဲဒီလိုပါပဲ။ တအုပ်စုလုံး အပေးအယူ မျှမျှနဲ့ ချစ်ချစ်ခင်ခင် ကစားရတဲ့ ကစားနည်းပါ။ စည်းလုံးညီညွတ်မှုနဲ့ အပေးအယူမျှမှုကို ကစားရင်းနဲ့ပဲ သင်ယူ သွားနိုင်တာပါ။

တူတူပုန်းတမ်း ကစားနည်းမှာ ဆိုရင်လည်း ကလေးတို့အတွက် အရေးကြီးတဲ့ စွမ်းရည်တွေ ဖြစ်တဲ့ စေ့စေ့စပ်စပ် သတိပြု တတ်မှု (Awareness) ကို ကစားရင်းနဲ့ သင်ယူ ရရှိသွားစေပါတယ်။ လိပ်ဥဖွက်တမ်း ကစားနည်းလည်း ထို့အတူပါပဲ။ ကစားခြင်းကနေ တဆင့် ရရှိစေတဲ့ အဖိုးမဖြတ်နိုင်တဲ့ စွမ်းရည်ကတော့ ပေါင်းသင်း ဆက်ဆံရေး စွမ်းရည်ပါ။ ကစားရင်းနဲ့ သူငယ်ချင်းတွေ တိုးလာမယ်၊ တိုးလာတဲ့ သူငယ်ချင်းတွေ ကြားထဲမှာ ကစားရင်းနဲ့ ငြင်းကြ ခုန်ကြ ဖြစ်လာမယ်ဆိုရင် ကျန်တဲ့ သူငယ်ချင်းတွေက ၀င်ရောက်ဖြေရှင်း ပေးကြပါတယ်။ ဒါဟာ ပြဿနာကို ဖြေရှင်းတတ်ခြင်း (Problem solving) ဆိုတဲ့ အတတ်ပါပဲ။

ဒီစွမ်းရည်တွေဟာ လူ့ဘ၀ထဲကို ထဲထဲဝင်ဝင် ၀င်ကြရတဲ့ အခါမျိုးမှာ လူ့အဖွဲ့အစည်း အတွက် အင်မတန်မှကို အသုံးဝင်တဲ့ စွမ်းရည်များပါပဲ။ ကျောင်း – ကျူရှင်၊ ကျူရှင် – ကျောင်းနဲ့ သွားနေကြရတဲ့ ကလေးများမှာတော့ ကစားချိန် မရှိရှာတော့တဲ့ အတွက် ဒီစွမ်းရည်များကို သင်ယူခွင့် မရရှိတော့ပါဘူး။ မိဘများရဲ့ ကိုယ့်ကလေးကိုယ် ထူးချွန်စေချင် တဲ့ ဆန္ဒအရ ဘာကိုပဲ လုပ်လုပ် ထိပ်ဆုံး ရောက်အောင် လုပ်ရမယ်၊ ပထမ ဖြစ်ရမယ် ဆိုတဲ့ ဖိအားပေးမှုတွေ အောက်မှာ ဒီကနေ့ခေတ် ကလေးများ ခမျာ သနားစဖွယ် ကောင်းအောင် ကြိုးစားနေရ ရှာပါတယ်။ ကိုယ့်ဘေးနားက ကလေးဟာ ကိုယ့်ရဲ့ စာပြိုင်ဘက်သာမို့ သူငယ်ချင်း အချင်းချင်း ချစ်ခင်တာတွေ၊ ပူးပေါင်းဆောင်ရွက်ကြတာ မျိုးတွေလည်း နည်းပါးလို့ လာပါတယ်။

နောက်တခု ကတော့ မြို့က ကလေးတို့ အတွက် ကစားစရာ နေရာ မရှိတဲ့ အဖြစ်ပါ။ တိုက်ခန်း ကျဉ်းကျဉ်းလေး ထဲမှာ ကစားဖို့ နေရာ မရှိတာမို့ တီဗီထိုင်ကြည့်ရင်း၊ ဗီဒိယိုဂိမ်း ၊ကွန်ပျူတာ ဂိမ်းတွေပဲ နှိပ်နေကြရပါတယ်။ ဖွံ့ဖြိုးပြီး နိုင်ငံများမှာတော့ ကလေးတို့ တိုက်ခန်းကျဉ်းနဲ့ နေရတယ် ဆိုပေမယ့် ရပ်ကွက်တိုင်းမှာ၊ လမ်းထောင့်များမှာ ကစားဖို့ နေရာများ ရှိကြပါတယ်။ ရာသီဥတု ကောင်းတဲ့ ညနေတိုင်းမှာ ပန်းခြံများဟာ ကလေးများနဲ့ စည်ကား နေကြတာ ချည်းပါပဲ။ ပန်းခြံဝင်ကြေး တပြားမှ ပေးစရာ မလိုတာမို့ ဆင်းရဲချမ်းသာ မရွေး လာနိုင်ကြပါတယ်။

ကျမတို့ဆီမှာ တော့ ကလေးများအတွက် ကစားစရာ နေရာဟာ အင်မတန်မှ ရှားပါး လှပါသေးတယ်။ ပန်းခြံများက ကလေး ကစားကွင်းများဟာ ပန်းခြံဝင်ကြေးက ဈေးကြီးလှတာမို့ တော်ရုံနဲ့ မလာနိုင်ကြပါဘူး။ အစိုးရ ကျောင်းများ မှာလည်း ဘောလုံးကန်လို့ အရိုက်ခံရတာ၊ ကလေးတို့ ဆော့ကစားလို့ အရိုက်ခံရတာ ဆိုတဲ့ အကြောင်းတွေကို ကြားနေရဆဲ ရှိပါ သေးတယ်။ အမှန်တော့ ကစားတယ် ဆိုတာဟာ ကလေးတို့အတွက် သင်ကြားခြင်း တမျိုးပါပဲ။ ကျောင်းသင်ခန်းစာ များနဲ့ ဆက်နွှယ်လို့ နေပါတယ်။

သူငယ်ချင်းလည်း မရှိ၊ အပေါင်းသင်းလည်း မရှိနဲ့ တယောက်တည်း ထီးထီးနေတတ်တဲ့၊ လူတွေနဲ့ စကား မပြောတတ်တဲ့၊ စည်းလုံး ညီညွတ်စွာ အလုပ်မလုပ်တတ်တဲ့၊ လူတကာကို ကိုယ့်အနားက ပြိုင်ဘက်လို့ ထင်တတ်တဲ့ ကလေးများ ကျမတို့ တိုင်းပြည်မှာ များလာမှာကို အင်မတန်မှ စိတ်ပူမိပါတယ်။ အဲဒီလို ကလေးမျိုးတွေက တချိန်မှာ လူကြီး ဖြစ်လာကြဦးမှာကိုး။ ဒီလို လူကြီးတွေ များလာတဲ့ လူ့အဖွဲ့စည်းကြီး တခု ကျမတို့ တိုင်းပြည်မှာ ပေါ်ပေါက် မလာဖို့ အတွက် နားလည် တတ်ကျွမ်း သူများက သတိပေး ပြုပြင်ပေးဖို့ လိုနေပါပြီလို့ အကြံပြု ဆွေးနွေးလိုက်ပါတယ်။

( ခေတ်ဘုန်းသစ် )

ကလေးငယ်များကို မယ်လမင်းပစ္စည်းဖြင့် ကျွေးမွေးပါက ဆိုးကျိုးကိုဂရုပြုသင့်

ကလေးသူငယ်များအား မယ်လမင်းအသုံးအဆောင်ပန်းကန်ခွက်ယောက်များဖြင့် ကျွေးမွေးလျှင် ကန်းမားရေးအရဆိုးကျိုးများစွာ ဖြစ်ပေါ်စေနိုင်သောကြောင့် ဂရုပြုဆင်ခြင်သင့်ကြောင်း ဆေးပညာကျန်းမာရေးအသိုင်းအ၀ိုင်းထံမှ အကြံပြုပြောဆိုကြသည်။

နိုင်ငံတကာမှာ နို့စို့ကလေးငယ်တွေနဲ့ ကလေးသူငယ်တွေကို ကျွေးမွေးတဲ့အခါမှာ မယ်လမင်းခွက်များနှင့်မကျွေးမွေးရန် ကန့်သတ်ချက်များရှိသည်။ မယ်လမင်းပစ္စည်းများသည် ကော်စေးများအသုံးပြုထား၍ အန္တရာယ်ရှိသည်။

နို့စို့ကလေးငယ်များအဆိပ်အတောက်ဖြစ်စေနိုင်သော မယ်လမင်းပါဝင်နှုန်းအဆင့် (2500 ppb)ရှိလျှင် ကလေးသူငယ်များအန္တရာယ်ဖြစ်စေနိုင်ပြီး အက်ဆစ်သဘာဝ(ချဉ်)ရှိသော အစားအစာများကို အပူချိန် ၁၆၀ ဒီဂရီဖာရင်ဟိုက်အထက်တွင် မယ်လမင်းပစ္စည်းနှင့်ထိတွေ့စေပါက ပလတ်စတစ်မှ မယ်လမင်းပမာဏပိုမိုထွက်လာ၍ အစားသောက်ထဲသို့ထိတွေ့ဝင်ရောက်စေနိုင်သည်။

မယ်လမင်း(ဖိုက်ဘာ)ပစ္စည်းများသည် အပူနှင့်ထိတွေ့လျှင် ဓာတ်ပြု၍ ကျောက်ကပ်ပျက်ဆီးခြင်းနှင့် ကင်ဆာရောဂါများကို ဖြစ်ပွားစေနိုင်သည့်အပြင် ကျောက်ကပ်အားနည်းသူများ၊ ကျောက်ကပ်၌ ကျောက်တည်နေသူများသုံးစွဲပါက ကျန်းမာရေးဆိုးကျိုးများဖြစ်ပေါ်စေနိုင်သည်။

မယ်လမင်းအဆိပ်သင့်လက္ခဏာများမှာ စိတ်တိုလွယ်ခြင်း၊ အသားအရေယားယံစေခြင်း၊ ဆီးထဲတွင်သွေးပါခြင်း၊ ကျောက်ကပ်တွင်ပိုးဝင်ခြင်းအပြင် သွေးဖိအားတက်ခြင်းများ ဖြစ်ပေါ်စေနိုင်ကြောင်းသိရသည်။

ထို့ကြောင့်ပူနွေးသောအစားအစာ၊ သောက်စရာများထည့်၍ မယ်လမင်းခွက်များသုံးစွဲခြင်းမှ ရှောင်ကြဉ်ခြင်း၊ မိုက်ခရိုဝေ့ဖ်မီးဖိုများ၌ မယ်လမင်းသုံးစွဲခြင်းတို့ ရှောင်ကြဉ်ရမည်ဖြစ်ပြီး Microwave Safe အသုံးအဆောင်မျိုးကိုသာ အသုံးပြုသင့်သည်။

မယ်လမင်းအသုံးအဆောင်ပစ္စည်းများသည် ၁၉၅၀ခုနှစ်မှစ၍ ဈေးကွက်တွင်းဝင်ရောက်လာခဲ့ပြီး ရောင်စုံဒီဇိုင်းများပြားခြင်း၊ သုံးစွဲရာ၌ လေးလံခြင်းမရှိဘဲပေါ့ပါးခြင်းတို့အပြင် လွတ်ကျသော်လည်းမကွဲနိုင်ခြင်းတို့ကြောင့် ယခုခေတ်တွင်ပို၍သုံးစွဲသူများပြားလာခဲ့ခြင်းဖြစ်သည်။

US အစားအသောက်နှင့် ဆေးဝါးကွပ်ကဲရေးဋ္ဌာန (FDA)၏ အဆိုအရ မယ်လမင်းအသုံးအဆောင်ပစ္စည်းများ၌ မင်လမင်းဖော်မယ်ဒီဟိုက်ကော်စေးကို ထည့်သွင်းအသုံးပြုထားသည်ဟုဆိုကြောင်း အင်တာနက်စာမျက်နှာများတွင် ဖော်ပြထားသည်။

ယမင်း

အတိုင်အတောထူခြင်းနဲ့ ကလေးတို့အနာဂတ် ဘယ်လိုပတ်သက်သလဲ

ကလေးတွေကို ပြုစုပျိုးထောင်တယ် ဆိုတာဟာ တကယ်တော့ အနာဂတ်ကို ပြုစုပျိုးထောင် တာပါပဲ။ အနာဂတ် လူ့အဖွဲ့ အစည်းမှာ လူတွေကို အန္တရာယ်ပေးတဲ့၊ စိတ်အနှောင့်အယှက် ပေးနိုင်တဲ့ အပြုအမူတွေ၊ အကျင့်ဆိုးတွေ ပါလာတဲ့ လူကြီးတွေ မဖြစ်ရစေဖို့အတွက် ကလေးတို့ကို ငယ်ငယ်ကတည်းက လေ့ကျင့် ပြုစုပေး ဖို့လိုပါတယ်။ ဒီတပတ်မှာတော့ ကျမတို့ ကလေးများရဲ့ တိုင်ပြောတတ်တဲ့ အကျင့်နဲ့ တိုင်ပြောတတ်တဲ့ စရိုက်လက္ခဏာများ အကြောင်းကို ကျမ တင်ပြ ဆွေးနွေးချင်ပါတယ်။

ဆရာ၊ ဆရာမ တော်တော်များများနဲ့ မိဘ တော်တော်များများတို့ အနေနဲ့ ကျောင်းမှာ၊ အိမ်မှာ ဆိုသလို တိုင်ပြောတတ်တဲ့၊ တိုင်ပြောလေ့ ရှိတဲ့ ကလေးများနဲ့ ဆုံတွေ့၊ ကြုံတွေ့ကြရမှာပါ။ ကျမတို့ရဲ့ လူမှု ၀န်းကျင်မှာတော့ ကလေးတို့ တိုင်ပြောတဲ့ ကိစ္စကို သိပ်ပြီးတော့ လေးလေးနက်နက် ထားပြီး  သွန်သင်ဆုံးမတာမျိုး မရှိကြပါဘူး။ ဒါပေမယ့် တကယ်တော့ ကလေးတို့ တိုင်ပြောတတ်တဲ့ အလေ့၊ တိုင်ပြောတတ်တဲ့ အကျင့်ဟာ ကောင်းမွန်တဲ့ အကျင့်တခု မဟုတ်တာကြောင့် ဆရာ၊ မိဘများ အနေနဲ့ သွန်သင်ဆုံးမပေးကြဖို့ လိုပါတယ်။

တိုင်ပြောတယ် ဆိုတဲ့နေရာမှာ မူကြိုအရွယ် (ငါးနှစ်အောက်) ကလေးများနဲ့ ငါးနှစ်အထက် ကလေးကြီးများရဲ့ တိုင်ပြောတဲ့ ရည်ရွယ်ချက်၊ တိုင်ပြောတဲ့ သဘောထားတို့ ကလည်း ကွာခြား ကြပါသေးတယ်။

မူကြို အရွယ်ကလေးများဟာ ဦးနှောက်ပိုင်းဆိုင်ရာ ဖွံ့ဖြိုးမှု အားဖြင့် ပြဿနာဖြေရှင်းမှု အတတ် (Problem Solving) ကို ကောင်းကောင်း မလုပ်နိုင်ကြသေးပါဘူး။ ဒါကြောင့်မို့လို့ သူတို့ ဆီက အရုပ်ကလေးများကို သူငယ်ချင်း တယောက်ယောက်က လုယူ သွားလို့ပဲ ဖြစ်ဖြစ်၊ တယောက်ယောက်က သူတို့ကို နာကျင်အောင် လုပ်လိုက်လို့ပဲ ဖြစ်ဖြစ် အနားမှာ ရှိနေတဲ့ လူကြီး တယောက်ယောက်ကို တိုင်တတ်၊ တောတတ်ကြပါတယ်။

ဒီအရွယ် ကလေးများဟာ လူကြီးများရဲ့ အာရုံစိုက်တာကို ခံချင်လို့လည်း တိုင်တတ်၊ တောတတ် ကြပါသေးတယ်။ မူကြို အရွယ်ကလေးများဟာ ငယ်လွန်းသေးတဲ့ အရွယ် ဖြစ်တာမို့ ဘယ်အရာကဖြင့် လူကြီးကို ပြောပြရမယ့်အရာ၊ ဘယ်အရာ ကတော့ဖြင့် မပြောလည်း ရတဲ့ အရာ ဆိုတာကို နားလည် နိုင်စွမ်း မရှိကြသေးပါဘူး။

ဥပမာ – သူငယ်ချင်းက အရုပ်ကို စင်ပေါ်က ယူဆော့ပြီးတော့ သူ့နေရာသူ ပြန်မထားတာဟာ တိုင်စရာ မဟုတ်ဘူး ဆိုတာကို သူတို့ မသိကြပါဘူး။ ဒါပေမယ့်  သူငယ်ချင်းက မီးခြစ်ယူပြီးတော့ ကစားနေတာမျိုး၊ လမ်းမပေါ်ကို ပြေးထွက်ဖို့ လုပ်နေတာမျိုးတွေဟာ လူကြီးကို ပြောပြရမယ့်အရာ ဆိုတာကိုလည်း သူတို့ မသိကြသေးပါဘူး။ ဒါကြောင့်မို့လို့ သူတို့ မျက်စိနဲ့ မတွေ့တဲ့ အရာမှန်သမျှကို တိုင်တတ်၊ တောတတ်ကြပါတယ်။

နောက်တခုက ဒီအရွယ် ကလေးများဟာ မူကြိုမှာ၊ ကျောင်းမှာ သူတို့ကို ထုတ်ထားတဲ့ စည်းကမ်းလေးများကို ဘယ်လောက် အထိ အကဲစမ်း ချိုးဖောက်လို့ ရသလဲ ဆိုတာကို သိချင်တတ်ကြပါတယ်။ တချို့ကလေးတွေဟာ သူတို့ကိုယ်တိုင် ချိုးဖောက် ကြည့်ဖို့ မ၀ံ့ရဲ ကြပါဘူး။ ဒါပေမယ့် သူတို့ရဲ့ သူငယ်ချင်း၊ မောင်နှမ တဦးဦးက ချိုးဖောက်တာကို တွေ့တဲ့ အခါမျိုးမှာ လူကြီးကို ပြေးတိုင်တတ် ကြပါတယ်။ အဲဒီလို လူကြီးကို ပြေးတိုင်ကြပြီးတော့ လူကြီးက ဘယ်လို တုန့်ပြန်မှုပေးသလဲ ဆိုတာကို စောင့်ကြည့်တတ် ကြပါတယ်။ ဥပမာ – လူကြီးက ဆူသလား၊ မဆူဘူးလားပေါ့။ မဆူဘူး ဆိုရင်ဖြင့် ဒီစည်းကမ်းဟာ ချိုးဖောက်လို့ ရတဲ့ စည်းကမ်းပဲ လို့ သူတို့ မှတ်ယူသွားတတ် ကြပါတယ်။

ဒါပေမယ့် ကလေးကြီးများ (ငါးနှစ်အထက်) ရဲ့ တိုင်ပြောတတ်တဲ့ အကျင့် ကတော့ မူကြိုအရွယ် ကလေးငယ်များနဲ့ ကွာခြား ပါတယ်။  ငါးနှစ်အထက် အရွယ်ဟာ ဦးနှောက်ပိုင်း ဆိုင်ရာ ဖွံ့ဖြိုးမှုအရ  ပြဿနာကို ဖြေရှင်းတတ်တဲ့ အရွယ်ပါ။ သူတို့လက်ထဲက အရုပ်ကို တခြားကလေး (သူငယ်ချင်း၊ မောင်နှမ) က လုယူသွားတဲ့ ကိစ္စမျိုးကို သူတို့ ဘာသာသူတို့ ဖြေရှင်းတတ်၊ ဖြေရှင်းနိုင်ကြပါပြီ။ လူကြီးကို အော်တိုင်ကြရမယ့် အရွယ် မဟုတ်တော့ပါဘူး။ ကျောင်းမှာ တယောက်ယောက်က အနိုင်ကျင့်တာမျိုး ကြုံလာရတဲ့ အခါမျိုးမှာတော့ ကလေးများဟာ အိမ်က လူကြီးကို ပြောပြတတ် ပါတယ်။ အဲဒီ အခါမျိုးမှာ ကလေးနဲ့ အတူတူ ဒီလို အနိုင်ကျင့်တဲ့ ကိစ္စမျိုးကို ဘယ်လို ဖြေရှင်းရင် ကောင်းမလဲ ဆိုတာကို လူကြီးကပါ ၀ိုင်းပြီး စဉ်းစားပေးရပါမယ်။ အနိုင်ကျင့်မှုက သိပ်ပြီး ဆိုးဝါးနေမယ် ဆိုရင်တော့ ဆရာမကို အကူအညီ တောင်းပြီး တော့ စောင့်ကြည့် ခိုင်းတာမျိုး လုပ်ခိုင်းရပါမယ်။ ကျမ ဆိုလိုချင်တာက ကလေး ရှေ့ကနေ နေရာတကာ ကာကွယ် ကာဆီး ပေးပြီးတော့ လိုက်လုပ် မပေးရဘူးလို့ ဆိုလိုတာပါ။

ကလေးတို့ဟာ သူတို့ ရင်ဆိုင်ရတဲ့ အခက်အခဲ၊ ပြဿနာများကို သူတို့ကိုယ်တိုင် ဖြေရှင်းကြရပါမယ်။ ဖြေရှင်းတတ်အောင် လည်း လေ့ကျင့်ပေးဖို့ လိုပါတယ်။ ဒါမှသာ တကယ့် လူ့ဘ၀ထဲကို သူတို့ ၀င်ရောက်ကြတဲ့ အခါမျိုးမှာ သူတို့ ရင်ဆိုင် ကြုံတွေ့လာရတဲ့ ပြဿနာတွေ၊ အခက်ခဲတွေကို သူတို့ဘာသာ သူတို့ ရင်ဆိုင်ဖြေရှင်း လာကြမှာဖြစ်ပါတယ်။

ကလေးကြီးများ တိုင်ပြောတတ်တာရဲ့ အကြောင်းတခု ရှိပါသေးတယ်။ အဲဒါကတော့ သူများကို ဒုက္ခ ရောက်စေလိုတဲ့ အတွက်ကြောင့် တိုင်ပြောခြင်းပါပဲ။ အဆူခံ၊ အရိုက်ခံ ထိစေချင်လို့ တိုင်ပြောတဲ့ တိုင်ပြောခြင်းပါပဲ။ ကျမတို့ ငယ်ငယ်က ဆရာ၊ ဆရာမတို့ရဲ့ အချစ်တော် ကလေးများဟာ အင်မတန်မှ အတိုင်အတော ထူတတ်ကြတာကို ကြုံဖူးကြမှာပါ။ သူတို့ကိုလည်း မထိခိုက်တဲ့၊ အရေးလည်း သိပ်မကြီးလှတဲ့ အကြောင်းရာလေးများကို ဆရာမရဲ့ မျက်နှာလို၊ မျက်နှာရ လိုချင်တာနဲ့ပဲ တိုင်တတ်၊ တောတတ်ကြတဲ့ ကလေးမျိုးပါပဲ။ ဒီအပြုအမူက အင်မတန် ဆိုးဝါးတဲ့ အပြုအမူပါပဲ။ ဒီလို ရည်ရွယ်ချက်မျိုးနဲ့ တိုင်တတ် တောတတ်တဲ့ ကလေးများကို  မိဘ၊ ဆရာများက အမှုမဲ့၊ အမှတ်မဲ့ မနေရပါဘူး။ ကလေးတို့ကို နားလည်အောင် ပြောဆို ဆုံးမရပါမယ်။

လူကြီး၊ မိဘများကို ပြောပြခြင်းနဲ့ တိုင်တောခြင်းတို့ မတူတဲ့ အကြောင်း ကလေးကို နားလည်အောင် ရှင်းပြရပါမယ်။  ကိုယ့်အိမ်က ညီမလေးက ထမင်းပန်းကန်ကို ပန်းကန်ဆေးတဲ့ နေရာမှာ မထားဘဲနဲ့ စားပွဲပေါ်မှာ ဒီအတိုင်း ထားပစ်ခဲ့တာဟာ လူကြီးကို အော်တိုင်ရမယ့်အရာ မဟုတ်ပါဘူး။

“ညီမလေးရေ …၊ ပန်းကန်ကို  ပန်းကန်ဆေးတဲ့ နေရာမှာ သွားထား” လို့ ကိုယ့်ဘာသာကိုယ် ပြောလိုက်လို့ ရတဲ့ အရာပါ။ ဒါမှမဟုတ် မသိချင်ယောင် ဆောင်နေလည်း ရတဲ့ အရာပါပဲ။ ကိုယ့်အတွက်ရော၊ သူ့အတွက်ပါ အန္တရာယ်ရှိတဲ့ အရာမဟုတ်လို့ အော်တိုင်နေစရာ မလိုဘူး ဆိုတဲ့အကြောင်းကို ကလေး နားလည်အောင် ရှင်းပြရပါ မယ်။ အန္တရာယ် ရှိတဲ့အရာ တခုခုကို လုပ်နေတယ် ဆိုရင်တော့ဖြင့် လူကြီးကို အသိပေး ပြောပြရပါမယ်။ ဥပမာ – မီးနဲ့ ကစားနေတာမျိုးပါ။

နေရာတကာ အတို့အထောင်လုပ်၊ တိုင်ပြောတတ်တဲ့ လူမျိုးကို လူတိုင်း မုန်းတီး တတ်ကြပါတယ်။ တချို့မိဘ၊ ဆရာများဟာ ကလေးတယောက်က ကလေးတယောက် အကြောင်းကို တိုင်ပြောရင် အဆင်အခြင်မဲ့စွာနဲ့ အတိုင်ခံရတဲ့ ကလေးကို ဆူတတ် ကြပါတယ်။ ဒါဟာ အင်မတန်မှ မှားယွင်းတဲ့ ဆုံးမမှုပါပဲ။ ဒီလို လွယ်လွယ် ဆူလိုက်၊ ပြောလိုက်တာမျိုးကြောင့် တိုင်ပြော တတ်တဲ့ ကလေးဟာ သူကိုယ်သူ အာဏာ ရှိတဲ့ လူတယောက် အဖြစ် ထင်မြင် သွားတတ်ကြ ပါတယ်။ တိုင်ပြောရခြင်းရဲ့ အကျိုးဆက် အရသာကို ကောင်းကောင်း သိရှိသွားတာမို့ သူနဲ့ မတည့်တဲ့ လူတွေ၊ သူကြည့်မရတဲ့ သူတွေရဲ့ အရေးမကြီးလှတဲ့ အကြောင်းရာများကို လူကြီးတွေ သိသွားအောင်လို့ တိုင်တတ်၊ တောတတ် တော့တာပါပဲ။

ကျမတို့ နိုင်ငံက တချို့ကျောင်းတွေက ဆရာမတချို့ လုပ်တတ်တဲ့ အကျင့်တခုလည်း ရှိပါသေးတယ်။ အဲဒါကတော့ အတန်းငြိမ်အောင်လို့ ဆိုပြီးတော့ စကားပြောတဲ့လူ၊ ဆော့တဲ့လူတွေရဲ့ နာမည် စာရင်းကို ကလေးတယောက်ကို တာဝန် ပေးပြီး မှတ်ခိုင်းတာပါပဲ။ အဲဒီ အခါမှာတော့ နာမည် မှတ်သူ ကလေးက သူနဲ့ မတည့်သူ၊ သူ ကြည့်မရသူတွေကို နာမည် မှတ်ထားပြီး သူနဲ့ အဆင်ပြေသူများ ကိုတော့ နေချင်သလိုနေခွင့် ပေးတော့တာပါပဲ။ ဒါဟာ တကယ်တော့ ကလေးတယောက်ရဲ့ အကျင့်စာရိတ္တကို လုပ်ပိုင်ခွင့်တခု ပေးထားပြီး ဖျက်ဆီးလိုက်ခြင်းပါပဲ။

ကျမတို့ လူမှု အသိုင်းအ၀ိုင်းထဲမှာ တိုင်ပြောတတ်တဲ့ ကလေးတွေ များကြသလို၊ အတိုင်ခံရမှာ၊ အပြောခံရမှာ ကြောက်တဲ့ ကလေးတွေလည်း များကြပါတယ်။ အမှန်တော့ ဒီနှစ်မျိုးစလုံးဟာ အနာဂတ် လူ့အဖွဲ့အစည်းအတွက် မကောင်းတဲ့ အရာတွေပါပဲ။ ကျမတို့ရဲ့ ၀န်းကျင်မှာ၊ ကျမတို့ရဲ့ အနီးအနားမှာ အထက်အရာရှိရဲ့ မျက်နှာသာပေးမှုကို ရဖို့ အတွက် ကိုယ့်ရဲ့ လုပ်ဖော်ကိုင်ဘက် အချင်းချင်းရဲ့ ပျော့ကွက် သေးသေးလေးတွေကို လိုက်ကြည့်၊ လိုက်ထောက်တတ်တဲ့ လူတွေ၊ သေးငယ်တဲ့ အမှုကို မကြီးကြီးအောင်လို့ လုပ်နေကြတဲ့လူတွေကို တွေ့နေကြရတာပါပဲ။  ကိုယ်ကိုယ်တိုင်က ချို့ယွင်းမှု အပြည့်နဲ့ ရှိနေပါလျက် သူများရဲ့ ချို့ယွင်းချက် သေးသေးလေးတွေကိုပဲ အကြောင်းရှာ အတို့အထောင် လုပ်နေကြတဲ့ လူတွေလည်း အများကြီးပါ။

ဒီလိုမျိုး လူတွေ အနာဂတ်မှာ နည်းပါးသွားစေဖို့ အတွက် ကလေးတို့ရဲ့ တိုင်တတ်၊ တောတတ်တဲ့ အကျင့်ဆိုးလေး များကို လူကြီးများ အနေနဲ့ အမှုမဲ့၊ အမှတ်မဲ့နဲ့ လက်သင့်ခံ မနေဘဲနဲ့ ပြင်သွားကြမယ် ဆိုရင်ဖြင့် လူလောက အတွက် အမှိုက်လိုမျိုး အကျိုးမရှိတဲ့ လူတွေ နည်းသွားမှာပါ။ ဒါကြောင့်မို့လို့ အနာဂတ် လူ့အဖွဲ့အစည်း အတွက် လူ့အမှိုက်လေးများ မပေါ်ပေါက် လာစေဖို့ အတွက် ဆရာ၊ မိဘများ အနေနဲ့ ကလေးများကို သွန်သင် ပဲ့ပြင် ပေးကြပါဦး။

ခေတ်ဘုန်းသစ်

“ဆိုဒါ” ပါတဲ့ အချိုရည်နဲ့ ကလေးတို့ရဲ့ ကျန်းမာရေး

ကျမတို့ ဆီမှာ ကလေး တော်တော်များများဟာ “ဆိုဒါ” ပါတဲ့ အချိုရည်တွေကို သောက်နေကြတာ တွေ့ရပါတယ်။ ကျမက ကျမရဲ့ သားလေးကို အသီးဖျော်ရည်က လွဲရင် ဗူးတွေ၊ ပုလင်းတွေမှာ ထည့်ထားတဲ့၊ အသင့်သောက်လို့ရတဲ့ အချိုရည်တွေကို မတိုက်ပါဘူး။ အထူးသဖြင့် ရှတတ အရသာ ပေးတဲ့ “ဆိုဒါ” ပါတဲ့ အချိုရည်တွေကို လုံးဝ မတိုက်ပါဘူး ။ ဒါကို ကျမရဲ့ မိဘဆွေမျိုး အသိုင်းအ၀ိုင်း အပါအ၀င်၊ တချို့သော သူတွေက ကျမကို သည်းလွန်း၊ ကဲလွန်း၊ ပိုလွန်းတယ်လို့ အထင်ရှိကြ ပါတယ်။

ကလေး တခါတလေ သောက်တာပဲ ဘာဖြစ်သေးလဲလို့ ပြောဆိုသူတချို့က ပြောဆိုပါတယ်။ “ဆိုဒါ” ပါတဲ့ ရှတတ အချိုရည် (ဆန်းကစ်၊ ပက်စီ၊ ကိုလာ) တို့မှာ “ဆိုဒါ” ဘယ်လောက် ပါဝင်တယ် ဆိုတာကို ကျမ ကိုယ်တိုင် စမ်းသပ်ဖူးပါတယ်။ ဖန်ခွက် တခွက်ထဲမှာ လိမ္မော်သီး တလုံးကို ညှစ်ထည့်ပြီးတော့ “ဆိုဒါ” ကို ထည့်တဲ့ အခါမှာ ရှတတ အရသာ (ဆန်းကစ်အရသာ ရဖို့ အတွက်) “ဆိုဒါ” ကို လက်ဖက်ရည် ဇွန်းကြီးနဲ့ နှစ်ဇွန်း ထည့်ရပါတယ်။ ဒါဆိုရင် အချိုရည်ဗူး တဗူးထဲမှာ “ဆိုဒါ” ဘယ်လောက် ပါသလဲ ဆိုတာကို တွက်ဆကြည့်လို့ ရပါပြီ။

“ဆိုဒါ” ဟာ ကျန်းမာရေးကို အင်မတန်မှ ထိခိုက်စေတဲ့ အရာပါ။ “ဆိုဒါ” ကြောင့် ခါးမှာ အဆီစု၊ အ၀လွန် စေသလို၊ သွား ကျန်းမာရေး ကိုလည်း ထိခိုက် ပျက်စီးစေပါတယ်။ အဆိုးဆုံး ကတော့ ကျောက်ကပ် ပျက်စီး စေနိုင်တာပါပဲ။ ကလေး တယောက်ဟာ နေ့စဉ် အချိုရည်ဗူး တဗူးသောက်တယ် ဆိုပါတော့။ “ဆိုဒါ” ဘယ်လောက်များများ သူသောက်သုံး ဖြစ်နေသလဲ ဆိုတာကို တွက်ဆကြည့်လို့ ရပါတယ်။

အချိုရည်တွေ သောက်တဲ့ ကလေးတွေဟာ အ၀လွန်စေပါတယ်။ ပညာရှင်တွေက ဒါကို ငြင်းခုံနေဆဲပါ။ အတည်ပြုလို့ မရသေးတဲ့ သုတေသနတွေရဲ့ အဆိုအရ ဆိုဒါ သောက်သုံးခြင်းဟာ နှလုံးကို ထိခိုက်စေနိုင်တယ် လို့လည်း ဆိုပါတယ်။

“ဆိုဒါ” သောက်သုံးခြင်းနဲ့ ကလေးတို့ရဲ့ အပြုအမူကို လေ့လာထားတဲ့ သုတေသန တရပ်ရဲ့ အဆိုအရ “ဆိုဒါ” ပါတဲ့ အချိုရည်ကို သောက်သုံးတဲ့ ကလေးတွေဟာ မသောက်သုံးတဲ့ ကလေးတွေထက် ပိုပြီးတော့ ဒေါသကြီးကြ၊ ရန်လို တတ်ကြတယ်လို့ ဆိုပါတယ်။ “ဆိုဒါ” ပါတဲ့ အချိုရည်ကို သောက်သုံးကြတဲ့ ကလေးတွေဟာ အရုပ်တွေကို ပိုဖျက်ဆီးတတ်ကြ သလို၊ ကလေးအချင်းချင်း ဆော့ကစားကြတဲ့ အခါမျိုးမှာလည်း တွန်းထိုး ကန်ကျောက် တာမျိုး ပိုလုပ်တတ်ကြတယ်လို့ ဆိုပါတယ်။

အမေရိကားလို နေရာမျိုးမှာ ကိုလာ၊ ပက်စီ ဆိုတာမျိုးဟာ အင်မတန်မှ ဈေးပေါတဲ့၊ လူတန်းစားမရွေး သောက်နိုင်တဲ့ အပေါစား သောက်စရာတွေပါ။ အသီးအနှံ ဖျော်ရည်တွေ၊ အသီးတွေ ဆိုတာက အင်မတန်မှ ဈေးကြီးလှပါတယ်။ ငွေးကြေး အဆင်ပြေသူများပဲ စားနိုင်သောက်နိုင်တဲ့ အရာများပါပဲ။ ကျမတို့ ဆီမှာ ကတော့ အသင့်သောက် ဖျော်ရည်ဗူးတွေထက် လတ်လတ်ဆတ်ဆတ် အသီးအနှံတွေက ပိုပြီးတော့ ဈေးသက်သာပါတယ်။ ကျွဲကောသီး၊ ငှက်ပျောသီး၊ လိမ္မော်သီး၊ မာလကာသီး၊ ဆီးသီး စသည်ဖြင့် စားစရာ အသီးအနှံတို့ စုံပါတယ်။

လိမ်မော်သီး စားရင် ချောင်းဆိုးမယ်၊ မာလကာသီး စားရင် ရင်ကြပ်မယ် ဆိုတာဟာ တကယ်တော့ မှားယွင်းတဲ့ အယူအဆ များပါပဲ။ လိမ္မော်သီးဟာ ဗိုက်တာမင် စီ ပါတာကြောင့် နေမကောင်းတဲ့၊ ချောင်းဆိုးတဲ့ ကလေးတွေ အတွက် အင်မတန်မှ သင့်လျော်တဲ့ အသီးအနှံပါ။

အသီးအနှံ တွေလည်း စားစရာ ရှိနေပါရက်နဲ့ ကလေးတို့ကို အချိုရည်ဗူးတွေ ၀ယ်တိုက်နေကြတာကို တွေ့ရတိုင်း စိတ်မကောင်း ဖြစ်ရပါတယ်။ ကလေးတို့ သောက်နေတဲ့ အချိုရည် ဗူးတွေထဲမှာ ဆိုဒါအပြင်၊ ကဖင်းလိုမျိုး၊ ဆိုးဆေးလိုမျိုး အရာတွေလည်း ပါနေပါသေးတယ်။ ကလေးတွေ သောက်ပြီးရင် အချိုရည်ရဲ့ အရောင်အတိုင်း လျှာမှာ စွဲပြီးတော့ ကျန်ရစ်ခဲ့ တာပါ။ ဘယ်လိုမှ မသောက်သင့်တဲ့ အရာများပါပဲ။

တချို့ မိဘတွေကတော့ ဒီလို အချိုရည်ဗူးတွေ မကောင်းမှန်း သိပေမယ့်လည်း ကလေးက ငိုယို ဂျီကျတဲ့ အခါမျိုးမှာ ဂျီကျတဲ့ ဒဏ်ကို မခံနိုင်တာကြောင့် ၀ယ်တိုက် လိုက်ရတယ်လို့ ဆိုပါတယ်။ ကလေး ဆိုတာမျိုးကတော့ အရောင်လေးတွေ ဆန်းဆန်း ပြားပြားနဲ့ အချိုရည်ဗူးတွေကို သောက်ချင်ကြတာ သဘာဝပါ။ သောက်ချင်စိတ် ရှိအောင်လည်း ဘာအချိုရည်၊ ညာအချိုရည် ဆိုပြီးတော့ ရုပ်မြင်သံကြားမှာ တွေ့ရတဲ့ ကြော်ငြာတွေမှာ ကလေးတွေ သောက်ချင်စရာ ဖြစ်အောင်လို့ ကြော်ငြာကြတာပါပဲ။ ကျမရဲ့ သားလေး ကိုယ်တိုင်လည်း ဒီလို အအေး (အချိုရည်) မျိုးတွေကို သောက်ချင်တယ် ဆိုပြီး မကြာခဏ ပူဆာတတ် ပါတယ်။

ကျမကတော့ သားကို အချိုရည်ထဲမှာ “ဆိုဒါ” ဘယ်လောက်ပါတယ် ဆိုတဲ့ အကြောင်းကို လိမ္မော်သီးကို အရည်ညှစ်၊ “ဆိုဒါ” ထည့်ပြီးတော့ စမ်းသပ်ပြပါတယ်။ “ဆိုဒါ” ရဲ့ ဆိုးကျိုး အကြောင်းကိုလည်း သူနားလည်အောင်လို့ ကျမ ရှင်းပြပါတယ်။ ခပ်ငယ်ငယ် ရှင်းပြလို့ မရသေးတဲ့ အရွယ်တုန်းကတော့ သူသောက်ချင်လို့ ငိုယိုတဲ့ အခါမျိုးမှာ ဘယ်လောက်ပဲ ငိုနေပါစေ ကျမ ဘယ်တော့မှ မတိုက်ပါဘူး။

သူ့ရဲ့ ငိုသံကို သီချင်း ဆိုသံလိုမျိုး သဘောထားပြီးတော့ ကျမ နားထောင်ပါတယ်။ နောက်ဆုံးမှာတော့ သားဟာ သူ ဘယ်လောက်ပဲ ငိုငို၊ အချိုရည်ဗူး ၀ယ်တိုက်မှာ မဟုတ်ဘူး ဆိုတာကို သိသွားပါတော့တယ်။ အမှန်တော့ မိဘများ အနေနဲ့ ကလေးတွေကို စည်းကမ်း ထုတ်တဲ့ အချိန်မှာ ကလေးငိုတဲ့ ဒဏ်ကို ခံနိုင်ဖို့ သိပ်ကိုမှ အရေးကြီးလှပါတယ်။ နောက်တခုက ရှေ့နောက် ညီဖို့ပါ။ ဒီနေ့တော့ မတိုက်ပေမယ့် နောက်နေ့မှာ အချိုရည် တိုက်လိုက်တာမျိုး၊ ဒီနေ့ မတိုက်ဘူး ပြောပြီး နောက်နေ့ တိုက်မယ် ပြောတာမျိုး လုပ်နေရင်တော့ ကလေးကို တိကျတဲ့ စည်းကမ်းပေးဖို့ အင်မတန် ခက်သွားနိုင်ပါတယ်။

ကျမ ကတော့ အာဟာရ တန်ဖိုးအားဖြင့်လည်း မပါဝင်၊ ကလေးတို့ရဲ့ ကျန်းမာရေးကိုလည်း ရေတို၊ ရေရှည် နှစ်မျိုးလုံးမှာ ထိခိုက်စေနိုင်တဲ့ အသင့်သောက် အချိုရည်ဗူး တွေကို ကလေးတွေကို မတိုက်စေချင်ပါဘူး။ အဲဒီလို အချိုရည် ဗူးတွေ တိုက်မယ့်အစား သံပရာသီးလေးကို အရည်ညှစ်ပြီး ရေအေးအေးလေးနဲ့ သံပရာရည် တခွက် ဖျော်တိုက်လိုက်မယ် ဆိုရင် ကလေးအတွက် ဗီတာမင်စီလည်း ရစေနိုင်သလို အန္တရာယ်လည်း ကင်းစေ ပါတယ်။ ငွေကြေးလည်း အကုန်အကျ သက်သာစေပါတယ်။ အချိုရည်တွေ သောက်သလိုမျိုး အ၀လည်း မလွန်စေတော့ပါဘူး။

ဒါကြောင့်မို့လို့ ကလေးတွေရဲ့ ရေရှည် ကျန်းမာရေးအတွက် မိဘတွေ အနေနဲ့ အသင့် သောက်သုံးနိုင်တဲ့ အချိုရည်တွေ၊ “ဆိုဒါ” ပါတဲ့ အချိုရည်ဗူးတွေ၊ ပုလင်းတွေကို မတိုက်ကြဘဲ ကျန်းမာရေးနဲ့ ညီညွတ်တဲ့ သဘာဝ အသီးအနှံ၊ အသီးဖျော်ရည် တွေကိုသာ တိုက်ကျွေးကြဖို့ တိုက်တွန်းလိုပါတယ်။     ။

ခေတ်ဘုန်းသစ်

အချို၊ မယ်လမင်း၊ တရုတ်နို့မှုန့်၊ ကော်ဖီမစ် နဲ့ ရောဂါစုံ

အချိုရည်နှင့် ဂျယ်ရီများ

++++++++++++++

အချိုရည်ဘူးများတွင် တားမြစ်ဆိုးဆေး၊ ကင်ဆာဖြစ်စေသော တာရှည်ခံဆေး၊ သကြားထက် အဆ ၂၀၀ ပိုမို ချိုစေသော ပါဝါသကြားနှင့် ကာဗွန်ဒိုင်အောက်ဆိုဒ်ဖိန်း ဓာတ်များ ပါဝင်သဖြင့် ခံတွင်းကင်ဆာ၊ ကျောက်ကပ်ရောဂါ၊ ဆီးချိုရောဂါနှင့် အ၀လွန်ရောဂါ၊ အသည်းကင်ဆာရောဂါတို့ကို ဖြစ်ပွားစေသည်။

ထို့အတူ ဂျယ်ရီဘူးများတွင်လည်း တရုတ်မှ လာသော ဂျယ်ရီပေါင်ဒါ၊ ဆီထရစ်အက်ဆစ်၊ Sodium Benzorate ခေါ် တာရှည်ခံဆေးပါဝင်သဖြင့် ကလေးများကို လုံးဝ မကျွေးသင့်၊ မရောင်းသင့်ပါ။

မယ်လမင်း (ဖိုက်ဘာ) ပစ္စည်းများ

++++++++++++++++++++
ထိုပစ္စည်းများသည် အပူနှင့် ထိတွေ့လျှင် ဓာတ်ပြုသဖြင့် ကျောက်ကပ်ပျက်စီးခြင်းနှင့် ကင်ဆာရောဂါများကို ဖြစ်ပွားစေသဖြင့် လုံးဝ အသုံးမပြုသင့်ပါ။

တရုတ်နို့မှုန့်နှင့် ၄င်းနှင့် ပြုလုပ်သော မုန့်များ

++++++++++++++++++++++++++
တရုတ်နို့မှုန့်ကို ဖျော်ကာ ခွေးပေါက်စ၊ ကြောင်ပေါက်စလေးများကို တိုက်ကျွေးရာ ထိုခွေးကလေး ကြောင်ကလေးများသည် အကြော ဆွဲကာ ၁၈ ကောင်ထက်မနည်း သေဆုံးကုန်ကြောင်း တွေ့ရှိရပါသည်။
ထို့ကြောင့် တရုတ်ပြည်မှ တံဆိပ်မျိုးစုံနှင့် တင်သွင်းသော နို့မှုန့်များနှင့် ၄င်းတို့ဖြင့် ပြုလုပ်သော မုန့်ပဲ သရေစာများကို ကလေးများကို လုံးဝ မတိုက်ကျွေးသင့်ပါ။

ကော်ဖီမစ်များ (Coffeemix)

++++++++++++++++

ကဖိန်း၊ တာရှည်ခံ ဓာတုဆေး၊ ကော်ဖီအနံ့ ၊ အုန်းသီးခွံအမှုန့်များနှင့် သကြား၊ အခြားကုန်ကြမ်းပစ္စည်းများ ပါဝင်သည်ကို တွေ့ရသဖြင့် မသောက်သုံးသင့်ပါ။
၎င်းရယ်ဒီမိတ် ကော်ဖီများကို သောက်သုံးပါက ဆီးချိုရောဂါ၊ သွေးတိုးရောဂါ၊ ကျောက်ကပ်ပျက်စီးခြင်း၊ နှလုံးသွေးတိုးရောဂါ၊ စိတ်ကျရောဂါနှင့် ရင်သားကင်ဆာ၊ ဆီးအိမ်ကင်ဆာ၊ ဆီးကျိတ်ကင်ဆာ၊ ပန်ကရိယ ကင်ဆာနှင့် အမျိုးသမီးများ မြုံခြင်းနှင့် ကိုယ်ဝန် ပျက်ကျခြင်းတို့ကို ဖြစ်စေသဖြင့် လုံးဝ မသောက်သုံးသင့်ပါ။
ထို့ပြင် ကော်ဖီမစ်တွင် နို့ဆီနှင့် နို့မှုန့်အစား အသုံးပြုသော creamer မှာ မလေးရှားတွင် စားအုန်းဆီကို အဆီထုတ်ပြီး ကျန်သော ကြိတ်ဖတ်များကို တရုတ်နိုင်ငံမှ ၀ယ်ယူကာ မှုန့်နေအောင် ကြိတ်ချေပြီး Creamer အဖြစ် ပြန်လည်ရောင်းချကြောင်း သိရှိရသည်။

ထို ကြိတ်ဖတ်မှုန့်များသည် သွေးတိုးရောဂါ၊ နှလုံးသွေးကြောပိတ်ရောဂါ၊ လေဖြတ်ရောဂါနှင့် ကင်ဆာရောဂါများကို ဖြစ်ပွားစေသည်။

မြန်မာနိုင်ငံ စားသုံးသူ ကာကွယ်ရေးအသင်းကထုတ်ဝေတဲ့ လက်ကမ်းစာစောင်တခုကနေ ကောက်နုတ် ဖော်ပြပါတယ်။  

ကလေးတို့ရဲ့ ဗီဇသဘာဝနဲ့ ၀န်းကျင်

(ကလေးများကို တံဆိပ်မကပ်ဖို့) ဆိုတဲ့ ဆောင်းပါးနဲ့ ပတ်သတ်ပြီး တော့ တချို့က ကလေးတွေဟာ မွေးရာပါ ဗီဇကိုက ဆိုးသွမ်းတဲ့ အကျင့်စရိုက် ပါလာတတ်ကြတာမို့ ဗီဇဆိုတာ ပြင်ဖို့၊ ဖျောက်ဖို့ ခဲယဉ်းတယ် လို့ ကျမ ကို စောဒက တက်ကြပါတယ်။ အဲဒီ ဗီဇနဲ့ ပတ်သက်ပြီး ဆောင်းပါး တစောင်တော့ သီးခြားရေးမှ ဖြစ်မယ်လို့ တွေးမိတာကြောင့် အခုတပတ်မှာတော့ ကလေးတို့ရဲ့ ဗီဇ၊ ပတ်ဝန်းကျင်နဲ့ မွေးရာပါ ကိုယ်ရည်ကိုယ်သွေးများ အကြောင်းကို ဆွေးနွေးတင်ပြပါ့မယ်။

ကျမတို့ မြန်မာလူမျိုး တော်တော်များများဟာ ကလေး မကောင်းတာ တခုခု လုပ်တိုင်းမှာ “ဗီဇကိုက မကောင်းတာ၊ မွေးရာပါ သန္ဓေကိုး” စသဖြင့် လွယ်လွယ်ပဲ ပြောတတ်ကြပါတယ်။ ကလေး ဘာကြောင့် ဆိုးနေသလဲ၊ ကလေးရဲ့ မကောင်းတဲ့ အပြုအမူဟာ ဘာကိုဘယ်လို အခြေခံ လာသလဲ ဆိုတာကို ဆန်းစစ် စဉ်းစား ဝေဖန်မှု အင်မတန် နည်းကြပါတယ်။

ကလေးများနဲ့ ပတ်သက်ပြီး ဆောင်းပါးတွေ ရေးတိုင်း ကျမ အကြိမ်ကြိမ် ဆွေးနွေးခဲ့ဖူးတဲ့ အတိုင်းပါပဲ။ လူသားရဲ့ ဦးနှောက် ဟာ မွေးကတည်းက တခြား ကိုယ်တွင်း အင်္ဂါများလိုပဲ အပြည့်အစုံ၊ အကုန်အစင် ဖွံ့ဖြိုးပြီး ပါလာတာ မဟုတ်ပါဘူး။ မွေးပြီး အပြင်ရောက် တော့မှ ဆက်ပြီး ကြီးထွားရတာပါ။ အဲဒီလို ကြီးထွား လာတာနဲ့အမျှ သင်ယူစရာ မှန်သမျှကို အပြင် (လူ့လောကထဲ) ရောက်မှ ပတ်ဝန်းကျင်ကနေ တဆင့် သင်ယူကြရတာပါပဲ။ ဒါကြောင့်မို့လို့ ကလေးတို့ရဲ့ ပတ်ဝန်းကျင်ဟာ သိပ်ကိုမှ အရေးကြီးလှပါတယ်။

ကလေးတယောက် ကိုယ့်ကိုယ်ကိုယ် ယုံကြည်မှု ရှိဖို့၊ လိမ္မာယဉ်ကျေးဖို့၊ မဆဲမဆို တတ်ဖို့၊ ကိုယ်ချင်းစာတရား ရှိဖို့၊ မကောက်ကျစ်ဖို့၊ တကိုယ်ကောင်း မဆန်ဖို့ ဆိုတဲ့ အရာတွေဟာ ဗီဇနဲ့ လုံးဝကို မဆိုင်ပါဘူး။ ပတ်ဝန်းကျင်နဲ့သာ ဆိုင်ပါတယ်။ ကလေးကို ဘယ်လို ထိန်းကျောင်းသလဲ၊ ဘယ်လို ဆက်ဆံသလဲ ဆိုတဲ့ ပတ်ဝန်းကျင်ကို လိုက်ပြီးတော့ ကလေးတို့ရဲ့ အမူအကျင့်တွေ ပြောင်းလဲ သွားရတာပါပဲ။

နည်းနည်းထပ်ဆင့် ပြောရရင် ကလေးအနေနဲ့ ပတ်ဝန်းကျင်ကနေ လူ့သဘာဝ အတိုင်း လေ့လာသင်ယူမှုတွေ ပြုလုပ်တဲ့အခါ ၀န်းကျင်က ဘာတွေရမလဲ၊ အကျင့်စာရိတ္တ ကောင်းတဲ့ ၀န်းကျင်လား၊ ဆိုးယုတ် ညစ်ပတ်တဲ့ ၀န်းကျင်လား၊ စာနာတတ်တဲ့ ၀န်းကျင်လား၊ ရိုင်းစိုင်းတဲ့ ၀န်းကျင်လား။ ကလေး ခမျာမှာတော့ ဘယ်လို ၀န်းကျင်မျိုးဆိုတာကို ရွေးချယ်ခွင့် မရှိ၊ ရွေးလည်း မရွေးတတ်ပါဘူး။ သို့ပေမယ့် လူကြီးတွေကတော့ ကိုယ့်ကလေးကို ဘယ်လိုဝန်းကျင်မျိုး ဆိုတာကိုတော့ ရွေးချယ်ပေးခွင့် ရှိပါတယ်။

တမိသားစု တည်းက မွေးပေမယ့် တယောက်နဲ့ တယောက် စရိုက် သဘာဝချင်း မတူညီ ကြပါဘူး။ ဒါကို ကလေး ၂ ယောက်၊ ၃ ယောက် မွေးဖူးသူ မိဘများ အနေနဲ့ သတိထားမိကြ ပါလိမ့်မယ်။ ဒီလို စရိုက်သဘာဝ မတူညီမှုဟာ ဆိုးသွမ်းတဲ့ ဗီဇသန္ဓေ၊ လိမ္မာ ယဉ်ကျေးတဲ့ ဗီဇသန္ဓေတွေ ပါလာတာကြောင့် မဟုတ်ပါဘူး။ ကလေးတို့ဟာ တယောက်နဲ့ တယောက် စရိုက်သဘာဝ မတူတာတော့ မှန်တယ်။ ဒါပေမယ့် အဲဒီ စရိုက် သဘာဝ ဆိုတာ လိမ်မာတာ၊ အကျင့်ကောင်းတာ၊ မကောင်းတာ၊ ယုတ်မာတာ၊ မယုတ်မာတာ တွေနဲ့ ကလေးရဲ့ မူရင်းစိတ် သဘာဝနဲ့ မဆိုင်ပါဘူး။ ဒီလိုမျိုး ဆိုးတာ၊ လိမ်မာတာ၊ အကျင့်ကောင်းတာ၊ မကောင်းတာတွေ ဖြစ်လာ ရတာဟာ ကလေးအပေါ် ပတ်ဝန်းကျင်နဲ့ မိဘ၊ အသိုင်းအ၀ိုင်းများရဲ့ တုံ့ပြန် ဆက်ဆံမှုကြောင့်ပါပဲ။

ဥပမာ – ပထမကလေး ကတော့ အေးတယ်၊ ဒုတိယ ကလေးကတော့ သွက်တယ် ဆိုပါတော့ အေးတာကို ကြိုက်တဲ့ မိဘက အေးတဲ့ ကလေးကို အမြဲ ချီးကျူးပြီး သွက်တဲ့ ကလေးကို အမြဲတမ်း နှိမ်ချ ပြောဆိုနေမယ်ဆိုရင် ကလေးရင်ထဲမှာ ကိုယ့်ကိုယ်ကိုယ် ယုံကြည်စိတ်၊ ကိုယ်ကိုယ်ကိုယ် အကောင်း ထင်မြင်စိတ်တွေ ပျောက်လာမှာပါပဲ။ အဲဒီလို ပျောက်လာခြင်း ကြောင့် ပတ်ဝန်းကျင်ကို အရွဲ့တိုက်စိတ်၊ မနာလိုစိတ်၊ ကောက်ကျစ်စိတ်တွေ ကလေးတို့ရင်ထဲမှာ ၀င်လာစေပါတယ်။

ကလေးတို့ရဲ့ စရိုက်သဘာဝ အမျိုးမျိုး အကြောင်းကို ကျမ အနည်းငယ် တင်ပြချင်ပါတယ်။

တချို့ကလေးများဟာ အပေါင်းသင်းဆံ့တဲ့ ကလေး (Sociability) ဖြစ်ကြ ပါတယ်။ ဒီလို ကလေးမျိုးဟာ အခုမှ တွေ့ရတဲ့ သူစိမ်းကလေး၊ သူစိမ်းလူကြီးများကို အလွယ်တကူပဲ ခင်မင်တတ်ကြပါတယ်။ “သားသား လာဦး” လို့ ဆိုရင် တချက် နောက်မတွန့်ဘဲ အလွယ်တကူ သွားတတ်တဲ့ ကလေးမျိုးပါ။ ဘယ်သူနဲ့ မဆို ပြောဆို၊ ရင်းနှီးလွယ် ပါတယ်။ စကားတတ်ကြတယ်။ စကားပြောရတာ၊ လူရာဝင်ကြရတာကို ကြိုက်တယ်။ တီတီတာတာနဲ့ ပြောတတ် ဆိုတတ်ကြတဲ့ ကလေးများပါ။

သူနဲ့ ဆန့်ကျင်ဘက် ကတော့ ခပ်အေးအေး နေတတ်တဲ့ ကလေးမျိုး ပါပဲ။ အဲဒီလို ကလေးမျိုးက သူနဲ့ မရင်းနှီးတဲ့ တစိမ်း တရံဆံတွေနဲ့ စကားပြောဖို့၊ ဆော့ကစားဖို့ နောက်တွန့်တတ် ပါတယ်။ အများအားဖြင့် သူ့ဘာသာသူ ခပ်အေးအေးပဲ တယောက်တည်း နေတတ်တယ်၊ နည်းနည်း ရှက်တတ်တယ်၊ ဧည့်သည် အဖြစ် အိမ်တွေကို အလည်သွားရင် လူကြီး ပေါင်ပေါ်ကနေ မဆင်းဘဲနဲ့၊ လူကြီးအနားမှာပဲ ကပ်နေတတ်တဲ့ ကလေးမျိုးပါ။

သွက်သွက်လက်လက်၊ ချက်ချက်ချာချာနဲ့ ပြောတာဆိုတာကို ကြိုက်တဲ့ မိဘများက ဒီလို ခပ်အေးအေးနဲ့ တယောက်တည်း နေချင်တဲ့ ကလေးမျိုးကို မွေးမိတဲ့ အခါမျိုးမှာ အားမလို၊ အားမရနဲ့ ဆူပူတတ်၊ ကြိမ်းမောင်း တတ်ပါတယ်။ ယောက်ျားလေး ဆိုရင် “မင်း အခြောက်လား၊ နေရာတကာ ကြောက်ရွံ့ ကြောက်ရွံ့နဲ့” လို့  ဆိုပြီးတော့ ကလေးကို ရက်ရက်စက်စက် ပြောဆို တတ်တဲ့ မိဘမျိုးတောင်မှ ရှိတတ်ပါတယ်။ အေးအေး နေတတ်တဲ့ ကလေးကို အတင်းအကြပ် တွန်းအား မပေးဘဲနဲ့ တခြား ကလေးများနဲ့ များများ ကစားခိုင်း၊ ဆော့ခိုင်းဖို့ လိုပါတယ်။ လူကြီး အပြင်ထွက်တဲ့ အခါမှာ ခေါ်သွားတာမျိုး၊ ဧည့်သည်လုပ်၊ လည်ပတ်တမ်း ကစားနည်းမျိုး၊ ဧည့်သည်လာရင် ဧည့်ခံတမ်း စတဲ့ ကစားနည်း မျိုးတွေနဲ့ ကစားရင်း သွန်သင်တာမျိုး လုပ်ပေးရင် မိဘတွေ လိုလားသလို ကလေးကို ပြုပြင် ယူနိုင်ပါတယ်။

ကျမရဲ့ သားလေး ဆိုရင် အေးအေး နေချင်တဲ့ကလေး အမျိုးအစားထဲမှာ ပါပါတယ်။ အပြင်ထွက်ရတာကို သူ သိပ် မကြိုက်ပါဘူး။ တယောက်တည်း ပုံဆွဲရတာ၊ စာဖတ်ရတာကို ပိုနှစ်သက် ပါတယ်။ ဟိုး ငယ်စဉ် သုံးလေးနှစ် လောက်ကဆို သူနဲ့ မသိတဲ့ တစိမ်းတယောက်က သူ့ကို စကားလာပြောရင် ပြန်မပြောတတ်ပါဘူး။ အခု ခုနစ်နှစ် အရွယ်မှာ သားကို တွေ့တဲ့ သူတိုင်းက အရမ်းသွက်တာပဲလို့ ပြောကြပါတယ်။ သားဟာ နဂိုဗီဇအားဖြင့် အေးအေး နေတတ်တဲ့ ကလေး ဆိုတာ ကျမ သိထားပါတယ်။ အသွက်လေး မဟုတ်ဘူး။ အသွက်လေးလို့ ထင်ရအောင် ကျမသူ့ကို မသိမသာ ပြုပြင်ပေးထားရတာပါ။ သားဟာ အိမ်ကို ဧည့်သည်လာရင် စကားထွက်ပြော ဧည့်ခံတတ်၊ တီတီတာတာ ပြောတတ်တယ် ဆိုပေမယ့် အခုအချိန်အထိ အိမ်မှာ လူတွေများလာ ရှုပ်လာရင် သူ စိတ်ရှုပ်နေတတ်ပါတယ်။ သူ့အခန်းထဲ ၀င်ပြီး ကုတင်ပေါ်မှာ စာအုပ် သွားဖတ် နေတတ် ပါတယ်။ ဒါပေမယ့် လူထဲသူထဲ ၀င်မဆံ့ လောက်အောင်အထိ ရှက်တတ်၊ ရွံ့တတ်၊ ကြောက်တတ်တဲ့ ကလေးတော့ မဟုတ်တော့ပါဘူး။ ကျမ ဆိုလိုချင်တာက ကလေးတို့ကို စိတ်ပိုင်းဆိုင်ရာ မထိခိုက်စေဘဲနဲ့ သူတို့ရဲ့ စရိုက်လက္ခဏာ လေးတွေကို ပတ်ဝန်းကျင်နဲ့ ညှပ်ပြီးတော့ အနည်းငယ် ပြင်ဆင်ပေးလို့ ရပါတယ်။ ဒါပေမယ့် မွေးရာပါ အသွက် စရိုက်ရှိတဲ့ ကလေးကို မွေးရာပါ အအေး စရိုက်ရှိတဲ့ ကလေးလိုမျိုး ဖြစ်သွားအောင်တော့ လုပ်လို့ မရပါဘူး။

ဒီိလိုပဲ တချို့ ကလေးများဟာ မွေးကတည်းကိုက နို့စို့ချိန် စို့တယ်၊ အိပ်ချင်တဲ့ အချိန် အိပ်တယ်။ သိပ်မငိုတတ် ကြပါဘူး။  ဒါဟာ ဘာကြောင့်လဲ ဆိုတော့ သူတို့ နံဘေးနားမှာ ရှိနေတဲ့ အသံတွေ၊ အလင်းတွေ အရောင်တွေဟာ သူတို့ကို စိတ် အနှောင့်အယှက် သိပ်မပေးနိုင်လို့ပါ။ သိပ်ပြီး ထိလွယ်ရှလွယ် မဖြစ်တဲ့ ကလေးမျိုးပေါ့။ ဘေးက အသံတွေ ဆူညံနေလည်း နှစ်နှစ်ခြိုက်ခြိုက်နဲ့ အိပ်ချင် အိပ်နေတာပါပဲ။

ဒါပေမယ့် တချို့ ကလေးများ ကတော့ အသံ (သို့မဟုတ်) အလင်း တခုခုကို သိပ်ပြီး ထိလွယ် ရှလွယ် ဖြစ်တတ်ကြပါတယ်။ အဲဒီလို ကလေးမျိုးဟာ ထစ်ကနဲဆို ငိုတတ်၊ လန့်နိုးတတ်ပါတယ်။ အဲဒီလို အခါမျိုးမှာ ကျမတို့ မြန်မာမိဘ တော်တော် များများဟာ ကလေး ဘာကြောင့် ဖြစ်ရသလဲ ဆိုတာကို ဆန်းစစ်ကြည့်ဖို့ထက် ကလေးက အကြီးကောင်နဲ့ မတူဘူး၊ ငိုတတ်တယ်၊ ပူတယ်၊ အိမ်ပူတယ် ဆိုပြီးတော့ ပြောတတ်ကြပါတယ်။

ဒီလိုပါပဲ၊ တချို့ကလေးများက အပြင်ထွက်ပြီး ကစားရတာကို ကြိုက်တတ်ကြတယ်။ ခြံထဲမှာ ဘောလုံးကန်ရတာ၊ ပြေးလွှား ခုန်ပေါက် ရတာကို ကြိုက်ကြတယ်။  အကောင်းဆုံး ကတော့ အပြင်မှာ ကစားရတာကို ကြိုက်တဲ့ ကလေး မျိုးကို လုံခြုံ စိတ်ချစွာနဲ့ ကစားလို့ရတဲ့ နေရာမျိုးလေး အပြင်မှာ ဖန်တီး ပေးထားမယ် ဆိုရင်ဖြင့် အဆင်ပြေသွား မှာပါပဲ။

တကယ်တော့ ကျမတို့ဟာ ကိုယ်နဲ့ အကျင့် သဘာဝချင်းတူရင် ကောင်းတယ် ထင်ပြီးတော့၊ ကိုယ်နဲ့ အကျင့်သဘာဝ မတူတဲ့ အခါမျိုးမှာ မကောင်းဘူးလို့ ထင်တတ်ကြ ပါတယ်။ ဒါဟာ တော်တော်လွဲမှားတဲ့ အယူအဆ တရပ်ပါပဲ။ ကလေးများဟာ တကယ်တော့ ကျမတို့ရဲ့ ကိုယ်ပွားလေးတွေ မဟုတ်ကြပါဘူး။ သူတို့မှာ သီးခြား ခံစားချက်၊ သီးခြား အကျင့်သဘာဝ ရှိတဲ့ သီးခြား လူများပါ။ ကျမ တို့က သူတို့ရဲ့ကိုယ်ပိုင် စရိုက်သဘာဝ လက္ခဏာ များကို နားလည်ပေးပြီးတော့ ချစ်ခြင်းမေတ္တာနဲ့ ထိန်းကျောင်းပေး သွားမယ် ဆိုရင်ဖြင့် အနာဂတ်အတွက် တန်ဖိုးရှိတဲ့ လူသားလေးတွေ ဖြစ်လာမှာပါပဲ။

ဒီအကြောင်းနဲ့ ပတ်သတ်ပြီး မေတ္တာရှင် ရွှေပြည်သာ ဆရာတော်ရဲ့ စာအုပ်လေး တအုပ်ထဲက စာလေး တပိုဒ်ကို ပြန်ပြောပြ ချင်ပါတယ်။ ကျမ တို့ ဗုဒ္ဓဘာသာမှာ အဖကို သတ်တဲ့ သားရယ် လို့ နာမည် ဆိုးနဲ့ ကျော်ကြားသူ အဇာတသတ် အကြောင်းကို ဆရာတော်က ရေးထားတာပါ။ အဇာတသတ်လေး မမွေးခင်မှာ မိခင်ရဲ့ ချဉ်ခြင်းကြောင့် ပုဏ္ဏားများက အဖကို သတ်မယ့် သားရယ်လို့ နိမိတ် ဖတ်ကြပါတယ်။ ဒီနိမိတ်ကို တကယ် အဟုတ်ထင်သူ မိခင်က ဘာမှ မသိသေးရှာသူ သန္ဓေသားလောင်းလေး ကို အမျိုးမျိုးသော နည်းနဲ့ ပျက်အောင် ဖျက်ချတယ်။ မွေးလာတော့ လည်း ဘယ်သူကမှ အဇာတသတ်လေးကို မချစ်ကြဘူး။ သူတို့ အရှင်၊ သခင် ဘုရင်ကြီးကို သတ်မယ့် သားလို့ ဆိုပြီး ရွံ့ကြောက် ကြောက်ကြတယ်။ အဇာတသတ်ဟာ ကိုယ်ဝန်ဘ၀မှာ ကတည်းက စပြီး အရွယ်ရောက်တဲ့ အထိ အမုန်းနဲ့ သံသယ ကြားမှာ ကြီးပြင်းလာ ခဲ့ရတယ် လို့ ဆရာတော်က ဆိုပါတယ်။ ဒီအမုန်းနဲ့ သံသယဟာ အဇာတသတ် အတွက် ဗေဒင်ဆရာ ပုဏ္ဏားများ ဟောတဲ့အတိုင်း ဖခင်ကို သတ်ဖို့  ဖြစ်လာရတာပဲ လို့ မေတ္တာရှင် ဆရာတော်က ထောက်ပြ ထားတာပါ။ မေတ္တာတရားဟာ မီးကို ငြိမ်းစေနိုင်တယ်၊ အမုန်းနဲ့ သံသယဟာ မီးကို ပိုတောက်၊ ပိုလောင်စေတယ်လို့ ဆရာတော်က ဆိုပါတယ်။

ဆရာတော် မိန့်ကြားသလိုပါပဲ၊ ကလေးတို့ရဲ့ ငယ်ဘ၀မှာ ပြည့်စုံလုံခြုံတဲ့ ချစ်ခြင်းမေတ္တာကို အပြည့်အ၀ ရဖို့ သိပ်ကိုမှ အရေးကြီးလှပါတယ်။ အထူးသဖြင့် မိဘဆွေမျိုးတွေရဲ့ ချစ်ခြင်းမေတ္တာပါ။ ဘာမှ နားမလည်သေးတဲ့ ကလေးများကို နဂို စရိုက်က မကောင်းတာတို့၊ သန္ဓေဆိုးတယ်တို့ ဆိုတဲ့ အသုံးအနှုန်းတွေ သုံးပြီးတော့ အဇာတသတ် လက်သစ်လေးတွေ ဖြစ်အောင် မလုပ်ကြပါနဲ့။ ကလေးတို့ အတွက် ပတ်ဝန်းကျင်က အရေးအကြီးဆုံးပါ။ သူတို့ရဲ့ မွေးရာပါ စရိုက်သဘာဝ (အေးတာ၊ သွက်တာ၊ ထိလွယ်ရှလွယ်တာ၊ လိုက်လျောညီထွေ နေတတ်တာ) လေးတွေကို နားလည်ပြီးတော့ ကလေး ကို မေတ္တာနဲ့ ပြုပြင်ထိန်းကျောင်း သွားမယ် ဆိုရင်ဖြင့် အနာဂတ်လူ့ အဖွဲ့စည်း အတွက် တန်ဖိုးရှိတဲ့ လူသားလေးတွေ ဖြစ်လာမှာ ဧကန်ပါပဲ။    ။

ခေတ်ဘုန်းသစ်

ကလေးတွေကို တံဆိပ်မကပ်နဲ့

ဒီတပတ် ကလေးများနဲ့ ပတ်သက်ပြီးတော့ ကျမ တင်ပြဆွေးနွေးချင်တဲ့ အကြောင်းအရာကတော့ ကလေးတွေကို တံဆိပ်ကပ် နေကြတဲ့ အကြောင်းပါ။ ကျမတို့ ငယ်ငယ်ကတော့ ကလေးတို့ကို ဆုံးမတယ် ဆိုရင်ဖြင့် ဆရာ၊ ဆရာမရော၊ မိဘများကပါ ရိုက်နှက်ပြီးတော့ ကြောက်အောင်လန့်အောင်လို့ ခြောက်လှန့် ဆုံးမတတ် ကြပါတယ်။ ဒါပေမယ့် အခု နောက်ပိုင်းမှာတော့ ကလေး ကျွမ်းကျင်သူ ပညာရှင်များ၊ စိတ်ပိုင်းဆိုင်ရာ ပါရဂူများရဲ့ သုတေသန တွေ့ရှိချက်များ အလိုအရ ကလေးကို မရိုက်ရ မနှက်ရ၊ နားလည်အောင် ပြောဆို ဆုံးမရမယ်လို့ ဆိုလာပါတယ်။ ကျောင်းတွေမှာ၊ အိမ်တွေမှာ ကလေးကို မရိုက်ရပါဘူး။ ရိုက်နှက် ဆုံးမခြင်းအားဖြင့် ကလေးတို့ မလိမ်မာနိုင်ဘူးလို့ ပညာရှင်များက မိဘ၊ ဆရာမများကို သတိပေး ပြောဆို လာခဲ့ကြ ပါတယ်။ ဒါကြောင့်လည်း ဟိုး အရင်ကထက် စာရင်တော့ ကျမတို့ တိုင်းပြည်မှာ ကလေးတို့ကို ကျောင်းတွေမှာ ရိုက်နှက်ဆုံးမတာမျိုး တော်တော်ကို နည်းလာပြီလို့ ဆိုနိုင်ပါတယ်။  အထူးသဖြင့် အပြင်ပုဂ္ဂလိက ကျောင်းများမှာ ကလေးတို့ကို လုံးဝ မရိုက်ကြ၊ မနှက်ကြတော့ပါဘူး။

ဒါပေမယ့် ဆရာ၊ ဆရာမများ၊ မိဘများဟာ ကလေးကို မရိုက်ရဘူး ဆိုတာကို သိကြပေမယ့် ကလေးများရဲ့ စိတ်ပိုင်းဆိုင်ရာ ခံစားချက်၊ ကလေးအတွေး၊ ကလေးရဲ့ အမြင် စတာတွေကို နားလည်နိုင်စွမ်း ကတော့ တော်တော်လေးကိုမှ နည်းပါးလှ ပါသေးတယ်။ ကလေးတို့ရဲ့ အတွေး၊ ကလေးတို့ရဲ့ အမြင်ဟာ လူကြီးတွေရဲ့ အတွေး၊ လူကြီးတွေရဲ့ အမြင်နဲ့ လုံးဝ မတူပါဘူး။ သူတို့လေးတွေဟာ ထိခိုက်လွယ်ကြ၊ ခံစားလွယ် ကြတယ်။ လူကြီး ပြောသမျှကိုလည်း တကယ့် အဟုတ်လို့ ထင်ကြတဲ့ အရွယ်ပါ။ ဒါကြောင့်မို့လို့ လူကြီးများ အနေနဲ့ ကလေးများကို ပြောဆို ဆုံးမတဲ့အခါမှာ အင်မတန်မှကို သတိထားရ ပါတယ်။

ကျမ ကလေးနဲ့ပတ်သက်တဲ့ စာတွေကို အခုလို မဖတ်ရ၊ မလေ့လာရသေးတဲ့ အချိန် ဟိုးလွန်ခဲ့တဲ့ အနှစ် ၂၀ လောက်က ဂျပန်လူမျိုး မိတ်ဆွေတယောက် အိမ်ကို သွားလည်ခဲ့ဖူးပါတယ်။ သူတို့ အိမ်မှာ ငါးနှစ်အရွယ် အမြွှာ ကလေး နှစ်ယောက်ရှိ ပါတယ်။ နှစ်ယောက်စလုံး ချစ်စရာလေးတွေပါ။ ကျမက ကလေးတွေကို ချစ်စနိုးစိတ်နဲ့ အင်မတန် အသုံးမကျတဲ့ မေးခွန်း တခုကို ကလေးတွေရှေ့မှာပဲ သူ့အမေကို မေးလိုက်မိပါတယ်။ ဒီမေးခွန်းက သူတို့နှစ်ယောက် ဘယ်သူ ပိုတော်လဲ ဆိုတဲ့ မေးခွန်းပါ။ အမျိုးသမီးက မျက်နှာအကြီးအကျယ် ပျက်သွားပြီးတော့ “နှစ်ယောက်စလုံး တော်တယ်” လို့ ဖြေပါတယ်။ ခဏကြာတဲ့ အခါမှာတော့ ဂျပန်အမျိုးသမီးက ကျမကို ပြောပါတယ်။ ကလေးတွေကို နှိုင်းယှဉ် မပြောဖို့၊ အဲဒီလို နှိုင်းယှဉ် ပြောတာကြောင့် ကလေးတွေရဲ့ ရင်ထဲမှာ ငါကတော့ သူ့လောက် မတော်ဘူး ဆိုတဲ့စိတ် ၀င်သွားမယ် ဆိုရင် သူ့ ဘ၀ တလျှောက်လုံးမှာ ဘာကိုပဲ ကြိုးစား ကြိုးစား ဒီ အငုံ့စိတ်နဲ့ မအောင်မြင်နိုင် ဖြစ်သွားတတ်တယ် ဆိုတဲ့ အကြောင်းပါ။  နောက်ပိုင်း ကျမ ကလေးများနဲ့ ပတ်သတ်တဲ့ ကလေးစိတ်ပညာရပ် စာအုပ်တွေ၊ ကလေးပြုစု စောင့်ရှောက်ရေး စာတွေ ကို ဖတ်မှတ်လေ့လာတဲ့ အချိန် ရောက်လာတော့မှ အင်မတန်မှ ရှက်စရာ ကောင်းတဲ့၊ မမေးသင့်တဲ့ မေးခွန်းတခုကို ကျမ မေးခဲ့မိပါလား ဆိုတာကို သိလာရပါတယ်။

ဟုတ်ပါရဲ့။ ကျမတို့ဟာ ဘာရယ်မဟုတ်၊ ကလေးတွေကို လွယ်လွယ်ပဲ တံဆိပ်ကပ်တတ် ကြပါတယ်။ ကလေး တခုခု ကောင်းတာလေး လုပ်ပြလိုက်တိုင်း ဂရုတစိုက်နဲ့ “သားသား လိမ်မာတယ်၊ တော်တယ်” လို့ ချီးကျူးဖို့ မေ့နေပေမယ့်၊ ကလေး မဟုတ်တာ တခုခု လုပ်လိုက်ပြီ ဆိုတာနဲ့ “ဒီကလေး ဆိုးလာပြီ၊ မလိမ်မာတော့ဘူး” လို့ ပြောလိုက်ဖို့ ၀န်မလေးကြပါဘူး။

ကလေးတွေဟာ တနေ့တနေ့ “အသုံးမကျဘူး၊ ညံ့တယ်၊ ဘယ်သူ့လောက် ဘယ်သူက မတော်ဘူး” စသဖြင့် မိဘ၊ ဆရာများ ရဲ့ နိစ္စဓူဝ တံဆိပ်ကပ် ပြောဆိုမှုများ ခံနေကြရ ပါတယ်။ တချို့ ဆရာများ ပြောတတ်တာ ရှိပါသေးတယ်။

“နင်တို့ အတန်းက အဆိုးဆုံး အတန်းပဲ” ဆိုတာမျိုးပါ။ “သားသား၊ မီးမီးတို့ ဆိုးတာ ဘယ်သူတွေ ဘယ်သူတွေတောင် သိကုန်ပြီ” ဆိုတာမျိုးလည်း ပြောတတ်ကြပါသေးတယ်။ ဆရာ၊ ဆရာမ တယောက် အနေနဲ့ အင်မတန်ကိုမှ မလုပ်သင့် မပြောသင့်တဲ့ အပြောအဆို မျိုးပါပဲ။ ဆရာ၊ ဆရာမတို့ အနေနဲ့ ဒီလို ပြောလိုက်မယ် ဆိုရင်ဖြင့် ကလေးက မခံချင်စိတ်နဲ့ လိမ်မာသွားကြ လိမ့်မယ်၊ ပြောင်းလဲလာကြလိမ့်မယ်လို့ ထင်ကောင်း ထင်ပါလိမ့်မယ်။ ဒါပေမယ့် အဲဒီလို ပြောင်းလဲသွားဖို့ ဆိုတာ ဘယ်လိုမှ မဖြစ်နိုင် ပါဘူး။ ဒီလို ပြောဆိုလိုက်ခြင်းကြောင့် ကလေးရဲ့ ရင်ထဲမှာ မနာလိုစိတ်နဲ့ သိမ်ငယ်စိတ် များသာ ၀င်လာနိုင်ပါတယ်။

ကလေးတို့ရဲ့ ရင်ထဲမှာ သူတို့ ဆိုးတယ်၊ ငါကတော့လူဆိုးပဲ ဆိုတဲ့ အတွေးလေး ရောက်သွားမယ် ဆိုရင် ကလေးတို့ရဲ့ စိတ်ပိုင်းဆိုင်ရာမှာ ကိုယ့်ကိုယ်ကိုယ် ယုံကြည်တဲ့စိတ်၊  ကိုယ့်ကိုယ်ကိုယ် အကောင်းမြင်တဲ့စိတ် လျော့နည်းလာပါလိမ့်မယ်။ ကိုယ့်ကိုယ်ကိုယ် ယုံကြည်တဲ့ စိတ် နည်းတဲ့၊ ကိုယ့်ကိုယ်ကိုယ် အကောင်းမြင်တဲ့ စိတ် နည်းတဲ့ ကလေးမျိုးဟာ ဘာကိုပဲ လုပ်လုပ် အောင်မြင်အောင် လုပ်နိုင်စွမ်းလည်း နည်းလာတတ်ပါတယ်။ စာ သင်ကြားရေးမှာပါ ကိုယ့်ကိုယ်ကိုယ် ယုံကြည်မှု နည်းလာတတ်ပါတယ်။ ကလေး ဆိုတာမျိုးက ထိလွယ် ရှလွယ်တဲ့ သူများပါ။ ကျမတို့ လူကြီးများတောင်မှ အလုပ်ထဲမှာ ကိုယ်လုပ်သမျှ မကောင်းပြောခံရရင်၊ ကိုယ့်ကို မကြာမကြာ မကောင်း ဝေဖန်ခံရမယ် ဆိုရင် စိတ်ဓာတ်တွေ ကျလာပြီးတော့ ကိုယ့်ကိုယ်ကိုယ် ယုံကြည်မှု ပျောက်လာတတ်ကြပါတယ်။

နောက်တခုကတော့ ကျမတို့ မြန်မာ မိဘတွေ ပြောတတ်၊ လုပ်တတ်ကြတဲ့ တံဆိပ်ကပ်မှုများပါပဲ။

“ဒီကလေး မွေးလာမှ စီးပွားတက်တယ်” တို့၊ “ဒီကလေးက ခိုက်တတ်တယ်” တို့၊ “မိဘကို ငယ်ငယ်ကတည်းက ကောင်းကျိုး မပေးတဲ့သား” တို့  ဆိုတာတွေပါပဲ။ ဒီလို စကားမျိုးတွေနဲ့ ကြီးပြင်းလာတဲ့ ကလေးမျိုးဟာ ကိုယ့်ကိုယ်ကိုယ် ဘယ်လိုမှ မယုံကြည်နိုင် တော့ပါဘူး။ အငယ်လေးမွေးမှ စီးပွားတက်တယ် ဆိုတဲ့ စကားကို အမြဲ ကြားနေရတဲ့ အကြီး ကလေးများဟာ သူ့ကိုယ်သူ ကံဆိုးတဲ့ ကလေး၊ မိဘကို စီးပွားတက်အောင် လုပ်မပေးနိုင်တဲ့ ကလေးအဖြစ် ဘ၀ တလျှောက်လုံး အပြစ် မလုပ်ပါဘဲနဲ့ အပြစ်ရှိသလို ခံစားနေရတတ်ပါတယ်။ ခိုက်တယ်လို့ အပြောခံရတဲ့ ကလေး ခမြာမှာလည်း ဘ၀တလျှောက်လုံး သူ့ကိုယ်သူ အပြစ်သား တယောက်လို ခံစားပြီးတော့ နေလာရတော့ တာပါပဲ။

တကယ်တော့ ကလေးတယောက် လိမ်မာယဉ်ကျေးဖို့၊ ထူးချွန်ထက်မြက်ဖို့၊ စိတ်ပိုင်းဆိုင်ရာ ရင့်ကျက်ပြီးတော့ အကောင်းမြင်စိတ် ရှိဖို့ ဆိုတာ ကလေးနဲ့ နီးစပ်တဲ့ ဆရာ၊ ဆရာမများ၊ မိဘများ အပေါ်မှာ မူတည်ပါတယ်။ ကလေးတို့ အတွက် ပတ်ဝန်းကျင်ဟာ အင်မတန်မှ အရေးကြီး ပါတယ်။  အနာဂတ်မှာ လူကြီးဖြစ်လာမယ့် ကလေးတို့ အတွက် ကိုယ့်ကိုယ်ကိုယ် ယုံကြည်မှု ရှိဖို့၊ ကိုယ့်ကိုယ်ကိုယ် အကောင်းမြင် စိတ်ရှိဖို့ သိပ်ကို လိုပါတယ်။ ကိုယ့်ကိုယ်ကိုယ် ယုံကြည်မှု ရှိတဲ့သူ၊ ကိုယ့်ကိုယ်ကိုယ် အကောင်းမြင်စိတ် ရှိတဲ့လူများဟာ လူ့လောက လူ့ဝန်းကျင်ကို အငုံ့စိတ်နဲ့ အန္တရာယ် မပြုတတ်ကြ ပါဘူး။ လူတယောက် (ကလေးတယောက်) ရဲ့ စိတ်ပိုင်းဆိုင်ရာ ကျန်းမာရေးဟာ ခန္ဓာကိုယ် သန်စွမ်း ကျန်းမာရေး လိုပဲ အရေးကြီးတာကြောင့် မိဘ၊ ဆရာများ အနေနဲ့ ကလေးများကို လွယ်လွယ်ကူကူ တံဆိပ်ကပ်ခြင်းမှ ရှောင်ကြဉ်ပေးကြပါဦးလို့။

ခေတ်ဘုန်းသစ်

တန်ဖိုးသိမှ တန်ဖိုးရှိမယ်

သိပ်ကို တန်ဖိုးကြီးတဲ့ ပြည်တန်ပတ္တမြားလေးတစ်လုံးဟာ လမ်းမကြီး တစ်ခုရဲ့ဘေး၊ ဖုန်တွေ သဲတွေကြားထဲမှာ အရောင်လေးလက်နေပါတယ်။ ဒီပတ္တမြားရဲ့အရောင်ကို ၀င်းခနဲ လက်ခနဲ မြင်နေရတဲ့ ခွေးကလေးတစ် ကောင် က ခြေထောက်လေးနဲ့ ယက်ကြည့်လိုက်၊ နမ်းရှုပ်ကြည့်လိုက်၊ ဟောင်လိုက်နဲ့ သူ့သဘာဝအတိုင်း စူးစမ်းကြည့်တာပေါ့။

ဒါကို မြင်နေရတဲ့ ရေခဲချောင်းရောင်းတဲ့ ကောင်လေးက ဘာများ ဖြစ်မလဲ ဆိုပြီး သွားကြည့်တော့ အရောင်ဝင်းနေတဲ့ ပတ္တမြားကို တွေ့တာပေါ့။ ဒါပေမဲ့ သူက ဒီပတ္တမြားလေးကို အရမ်းလှပတဲ့ ကျောက်နီလေး တစ်တုံးလို့ပဲထင်တယ်။ ဒါနဲ့သူက ကောက်ယူလိုက်တယ်။ ဒီအချိန်မှာ လက်သမားလေး တစ်ယောက်ရောက်လာတယ်။ ရေခဲချောင်းသည်လေး ကို “မင်းလက်ထဲက ဘာလေးလဲ” လို့ မေးတယ်။ “အနီရောင်ကျောက်တုံး လေးတစ်တုံးပါ” လို့ ပြန်ဖြေတယ်။ လက်သမားလေးက ယူကြည့်ပြီး “ငါ့ကို ဒါလေး ရောင်းမလား။ မင်းကို ၅၀၀ ပေးမယ် ဘယ်လိုလဲ” လို့ မေးတော့ ရေခဲချောင်းသည်လေးက သူတစ်နေ့လုံး ပင်ပင်ပန်းပန်းရောင်းမှ ဒီလောက်မြတ်တာ၊ ရောင်းမယ်ပေါ့။ ဒါနဲ့ပဲ လက်သမားလေးက ၀ယ်ယူလိုက်တယ်။

သူက ဒါကို တန်ဖိုးရှိတဲ့ ပြည်တန်ပတ်္တမြားမှန်းမသိဘူး။ သူထင်တာ ကျောက်နီတစ်လုံးပေါ့။ ဒါနဲ့ သူက ကျောက်ပွဲစားကြီးတစ်ယောက်ဆီ သွားပြတယ်။ ကျောက်ပွဲစားကြီးက ဒီကျောက်ကို မြင်မြင်ချင်း ပတ္တမြား မှန်း သိ လိုက်တယ်။ ပတ္တမြားရဲ့ အရည်အသွေးနဲ့ တန်ဖိုးကိုပါ အကဲဖြတ်လိုက်တယ်။ ဒါနဲ့ “ကဲ - သူငယ် မင်းဘယ်လောက် လိုချင်သလဲ” လို့ လက်သမားလေး ကို မေးတယ်။ လက်သမားလေးက သူတစ်နေကုန်လုပ် မှ လက်ခ ၃၀၀၀ ကျပ် လောက် ရတာဆိုတော့ “၅၀၀၀ ကျပ် လောက်ဆို ခင်ဗျားဝယ်နိုင် မလား”လို့ မေးတယ်။ ဒါနဲ့ ကျောက်ပွဲစားကြီးက ချက်ချင်းပဲ ၀ယ်ယူလိုက်တယ် ဆိုပါတော့။ ကျောက်ပွဲစားကြီးလက်ထဲ ရောက်သွား တာနဲ့ ကျောက်နီလို့ သတ်မှတ်ခံထားရတဲ့ အရာဟာ တန်ဖိုးရှိတဲ့ပတ်္တမြား ကြီးဖြစ်သွားပါတယ်။

ဒီပတ္တမြားကြီးကို ကျောက်ပွဲစားကြီးက သိန်း ၅၀ နဲ့ နိုင်ငံခြား သားတစ်ယောက်ကို ရောင်းချလိုက်ပါတယ်။ အဲ့ဒီ နိုင်ငံခြားသားကြီးက ဒီပြည်တန်ပတ္တမြားကြီးကို သူ့နိုင်ငံမှာ ဒေါ်လာ ၅ သန်း နဲ့ ပြန်လည် ရောင်းချ လိုက်တယ်တဲ့။ ဒါဆိုရင် ဒီပတ္တမြားကြီးရဲ့ တကယ့်တန်ဖိုးက ဘယ်လောက်ရှိ တာပါလဲ။ ပြည်တန်ပတ္တမြားဆိုတဲ့အတိုင်း အဖိုးအနဂ္ဂ ထိုက်တန်ပြီးသားပါ။ သူ့ရဲ့တန်ဖိုးကိုသိတတ်ပြီး တန်ဖိုးထားတတ်တဲ့ သူရဲ့ လက်ထဲရောက်လေ တန်ဖိုးတက်လေပါပဲ။ တကယ်တော့ တန်ဖိုးရှိတယ် ဆိုတာ တန်ဖိုးသိမှပါ။ တန်ဖိုးကို သိမြင်မှလည်း တန်ဖိုးရှိမှာဖြစ်ပါတယ်။

ဒါဟာ အမှန်တရားပါပဲ။ အဖိုးအနဂ်္ဂ ထိုက်တန်တဲ့ ပြည်တန် ပတ္တမြား ကြီးဖြစ်ပါစေ တန်ဖိုးမသိတဲ့ သူရဲ့လက်ထဲ ရောက်နေရင် တန်ဖိုးမရှိပါဘူး။ (၅၀၀) လောက်ပဲ တန်ဖိုးသိရင် (၅၀၀) ပဲ တန်ဖိုးရှိမယ်။ ဒေါ်လာ (၅) သန်း လောက် တန်ဖိုးကို သိရင် ဒေါ်လာ (၅) သန်း တန်မှာပါပဲ။ ဒါကြောင့် နဂိုကတည်းက တန်ဖိုးရှိတဲ့ အရာဖြစ်နေပါစေ တန်ဖိုးမသိရင် တန်ဖိုးမထား တတ်ကြပါဘူး။ ဘယ်အရာမဆို သူ့နေရာ နဲ့သူ တန်ဖိုးကိုယ်စီ ရှိကြပါတယ်။ ရှိလည်းရှိနေကြပြီးသားပါ။ အဓိက အရေးကြီးတာက အဲ့ဒီတန်ဖိုးကို သိမြင်နိုင်ဖို့ ပါပဲ။ တန်ဖိုးကို မြင်နိုင်မှ တန်ဖိုးထားတတ်မှာပါ။

မိမိရဲ့တန်ဖိုး

လူတိုင်းဟာ ကိုယ့်တန်ဖိုးကို ကိုယ်သိမြင်နိုင်ရပါမယ်။ ကိုယ့်တန်ဖိုးကို အရင်ဆုံး သတ်မှတ်တာက ကိုယ်ကိုယ်တိုင်ပဲ ဖြစ်ပြီး နောက်မှ တခြား သူတွေက သတ်မှတ်ကြတာဖြစ်ပါတယ်။ မိမိရဲ့ တန်ဖိုးကို မိမိသိမြင်နိုင်မှ မိမိကိုယ်ကို တန်ဖိုးထားမှာပါ။ ကိုယ့်ကိုယ်ကိုယ် တန်ဖိုးမထားတတ်တဲ့ သူတွေဟာ ဘယ်သူ့ ကိုမှလည်း တန်ဖိုးထားတတ်မှာ မဟုတ်ပါဘူး။ လူတစ်ယောက်ဟာ ကိုယ့်ကိုယ် ကိုယ်ချစ်တယ်ဆိုရင်ကိုယ့်ကိုယ်ကိုယ်တန်ဖိုး ထားရမှာပါ။ လူတစ်ယောက်ဟာ သူ့ကိုယ်သူ “ငါဟာ ဘာကောင်မှ မဟုတ်ပါလား၊ ငါဟာ ဘာတန်ဖိုးမှ မရှိပါလား၊ ငါ ဘာမှလည်း လုပ်နိုင်မှာ မဟုတ်ပါဘူး” လို့ ပြောနေတာဟာ သူ့တန်ဖိုးကို သူသတ်မှတ်နေ တာပါပဲ။ တကယ်လို့ ကိုယ်က အောင်မြင်ချင်တယ်ဆိုရင် ကိုယ့်ဘ၀ တန်ဖိုးကို ကိုယ်တိုင်သိမြင်ပြီး တန်ဖိုးတက်အောင်၊ အဖိုးတန်တဲ့ လူသား တစ်ယောက်ဖြစ်အောင် ကြိုးပမ်းသင့်ပါတယ်။

ဘ၀ရဲ့တန်ဖိုး

အခုလက်ရှိ ကိုယ်ရထားတဲ့ဘ၀ဟာ ဘယ်လောက်တန်ဖိုးရှိတယ် ဆိုတာ ကိုလည်း မြင်တတ်ရပါမယ်။ ဘ၀ရဲ့ တန်ဖိုးကို မသိမြင်သူတွေဟာ သူရရှိထား တဲ့ဘ၀ကို တန်ဖိုးမထားတတ်ကြပါဘူး။ ဒါကြောင့်လည်း သူတို့ တွေဟာ ဘ၀ ကို ဖြစ်သလိုပဲ ဖြတ်သန်းနေကြပါတယ်။ အောင်မြင်တဲ့ ဘ၀၊ ပျော်ရွှင်တဲ့ ဘ၀ တစ်ခုအဖြစ် မဖန်တီး မတည်ဆောက်ကြဘဲ ဘ၀ တစ်ခုကို တန်ဖိုးမဲ့စွာ ကုန်ဆုံး သွားတတ်ကြပါတယ်။ ဘ၀အောင်မြင်မှု တွေကို လိုလားသူတိုင်းဟာ ဘ၀ကို တန်ဖိုးထားတတ်ရပါမယ်။ တကယ် တော့ ဘ၀ဆိုတာ အချိန်တွေနဲ့ ဖွဲ့စည်းတည်ဆောက်ထားတာပါ။ ဒီတော့ ဘ၀ကို တန်ဖိုးထားရင် အချိန်ကို လည်း တန်ဖိုးထားတတ်ရပါမယ်။

အချိန်ရဲ့တန်ဖိုး

အချိန်ရဲ့တန်ဖိုးကို သိမှ အချိန်တိုင်းကို တန်ဖိုးရှိအောင် အသုံးချကြမှာပါ။ အချိန်ရဲ့တန်ဖိုးကို မသိသူဟာ အချိန်ဖြုန်းတတ်သူတွေပါပဲ။ အချိန်ကို အလဟဿဖြုန်းတီးနေသူဟာ သူ့ဘ၀၊ သူ့အသက်ကို သူ ဖြုန်းတီးနေတာပါပဲ။ အချိန်ဟာ အသက်ပါပဲ။ အချိန်ဟာ ဘ၀ပါပဲ။ အချိန်ဟာ တန်ဖိုးမဖြတ်နိုင်တဲ့ ဘ၀ရဲ့ ရတနာတစ်ခုပါပဲ။

ဒါကြောင့် ကိုယ့်ဘ၀ကို တန်ဖိုးထားပြီး တိုးတက်အောင်မြင်လိုသူ တိုင်းဟာ အချိန်ကို အကျိုးရှိရှိ အသုံးချသင့်ပါတယ်။ ပညာရှင်ကြီး ဘင်ဂျမင် ဖရန်ကလင်က “သင့်အသက်ကို သင်ချစ်ပါသလား၊ သင့်ဘ၀ကို သင်ချစ်မြတ်နိုးပါသလား၊ ချစ်လျှင် အချိန်ကို တန်ဖိုးထားပါ၊ အလကား ဖြုန်းတီးမပစ်ပါနဲ့၊ အဘယ်ကြောင့် ဆိုသော် အချိန်ဟာ သင့်အသက်ဖြစ် နေလို့ပါ” လို့ သတိပေးခဲ့ဖူးပါတယ်။

မိမိရဲ့ တန်ဖိုးကို မသိသူ၊ ဘ၀ရဲ့တန်ဖိုးကို မသိသူ၊ မိမိအချိန်ရဲ့ တန်ဖိုးကို မသိသူဟာ မိမိရဲ့အောင်မြင်မှု၊ မိမိရဲ့ ကိုယ်စွမ်းကိုယ်စ၊ မိမိရဲ့ ဘ၀တိုးတက် မှုတွေကိုသာမက မိမိရဲ့ တစ်ဘ၀လုံးကို ဖျက်ဆီးပစ်နေသူ၊ မိမိကိုယ်ကို အရှင် လတ်လတ် သေအောင်သတ်နေသူပဲဖြစ်ပါတယ်လို့ ဆိုချင်ပါတယ်။

အရာအားလုံးရဲ့တန်ဖိုးကို သိအောင် လုပ်ပါ

တန်ဖိုးသိမှ တန်ဖိုးရှိမယ်။ ကိုယ့်ပတ်ဝန်းကျင်မှ ရှိသမျှ အရာဝတ္ထု တွေ၊ သက်ရှိတွေ အားလုံးရဲ့ တန်ဖိုးကို သိမြင်နိုင်အောင် ကြိုးစားနိုင် သူဟာ ဘ၀ မှာ အောင်မြင်မှုတွေ အံ့မခန်းရနိုင်ပါတယ်။ အသက်ရှည်ချင်ရင် ကျန်းမာရေးကို တန်ဖိုးထားရမယ်။ ကျန်းမာရေးရဲ့တန်ဖိုးကို မကျန်းမာတော့မှသာ သိမြင်ကြတာ များပါတယ်။ ကျန်းမာသန်စွမ်းနေကတည်းက ကျန်းမာရေးရဲ့ တန်ဖိုးကိုသိမှ ကျန်းမာသူတစ်ယောက်ဖြစ်လာမှာပေါ့။

မိမိပတ်ဝန်းကျင်မှာ ရှိနေတဲ့ မိတ်ဆွေ၊ သူငယ်ချင်း၊ အပေါင်းအသင်း တွေရဲ့ တန်ဖိုးကိုလည်း သိမြင်ရပါလိမ့်မယ်။ သူတို့တွေကိုလည်း တန်ဖိုး ထားပါ။ မိမိရဲ့ မိဘနဲ့ ဆွေမျိုးအသိုင်းအ၀ိုင်းတွေရဲ့ တန်ဖိုးကို သိမြင်ပါ။ သူတို့ကိုလည်း တန်ဖိုး ထားနိုင်အောင်ကြိုးစားပါ။ မိမိချစ်သူ ခင်သူ အားလုံးကို တန်ဖိုးထားပါ။ သူတို့တွေ ကလည်း သင့်ကို ပြန်ပြီး တန်ဖိုး ထားကြပါလိမ့်မယ်။ သင့်ရဲ့တန်ဖိုးကိုလည်း သူတို့ သိမြင်လာပါလိမ့်မယ်။

မိမိလုပ်ကိုင်နေတဲ့ လက်ရှိအလုပ်အကိုင်၊ အသက်မွေးကြောင်း အလုပ်တွေ ရဲ့ တန်ဖိုးကိုလည်း သိအောင်လုပ်ပါ။ အလုပ်ကိုလည်း တန်ဖိုးထားပါ။ မိမိအလုပ် ကို မိမိတန်ဖိုးထားလုပ်ဆောင်သူဟာ ထူးချွန်အောင် မြင်တဲ့သူတွေဖြစ်လာကြ ပါတယ်။ အလုပ်ကိုချစ်ပါတယ်။ တန်ဖိုးထားပါ။

အသိပညာဟာ အရေးကြီးပါတယ်။ အရာရာတိုင်းရဲ့ တန်ဖိုးကို သိမြင်နိုင် တဲ့ ဥာဏ်ပညာရှိအောင်အားထုတ်ပါ။ ပညာရဲ့တန်ဖိုးကို လေး လေးနက်နက် သိမြင်ရပါလိမ့်မယ်။ လေ့လာပါ သင်ယူပါ စာအုပ်စာပေ များများဖတ်ရှုပါ။ စာပေရဲ့ တန်ဖိုး၊ စာပေရဲ့အကျိုးကျေးဇူးတွေကို သိမြင်မှ စာပေပေါ်မှာ တန်ဖိုးထားတတ်လာပါလိမ့်မယ်။ စာပေကို တန်ဖိုးထားရင် စာပေကလည်း သင့်ကို တန်ဖိုးထားပြီး စစ်မှန်တဲ့ အသိပညာတွေကို ပြန်လည်ကျေးဇူးဆပ် ပါလိမ့်မယ်။

အရေးကြီးတာက လောကမှာ ရှိသမျှ အရာရာတိုင်းရဲ့ တန်ဖိုးကို သိမြင်နိုင် တဲ့ ဥာဏ်ရှိဖို့လိုပါတယ်။ တန်ဖိုးသိမှ တန်ဖိုးရှိမှာပါ။ တန်ဖိုးသိမှ အဖိုးတန်မှာပါ။ တန်ဖိုးသိမှ တန်ဖိုးထားမှာပါ။ ဒါကြောင့် တန်ဖိုးသိ အောင်ကြိုးစားအားထုတ်ရင်း လူမှုရေး၊ စီးပွားရေး၊ နိုင်ငံရေး၊ ဘာသာ ရေး၊ အချစ်ရေး စတဲ့ နယ်ပယ်အသီးသီး မှာ အောင်မြင်တိုးတက်သူတွေ ဖြစ်နိုင်ကြပါစေလို့ ဆုတောင်းပေးလိုက်ပါတယ်။

Let's fly together!
ဖူးကျော်ဇင် (Future Wave)