တို့ပြောမထားတဲ့ စည်းကမ်းကို မင်းတို့လိုက်နာကြ

(တစ်)

မိုးနဲ့အပြိုင် မြန်မာနိုင်ငံရဲ့ စာသင်ခန်းတွေထဲမှာဖြင့် ကျောင်း သူ၊ ကျောင်းသားကလေး တွေရဲ့  စာဖတ်သံတွေက မြိုင်ဆိုင်လို့နေ ပါပြီ။ ကျောင်းတွင်းပညာရေးသာ မက ကျောင်းပြင်ပ ပညာရေးကို ပါ အားထားနေရတဲ့ မြန်မာ့ပညာ ရေးလောကဟာ အခုအထိ စမ်း တ၀ါးဝါးနဲ့ လျှောက်လှမ်းလို့နေ ဆဲပါပဲ။ အစိုးရက တရားဝင်ဖွင့် လှစ်ထားတဲ့ ကျောင်းတွင်းပညာ ရေးကို တစ်ဘ၀လုံးပုံပြီး မယုံရဲသူ မိဘတွေက ကိုယ့်သား၊ ကိုယ့် သမီးပညာရည် မြင့်မားဖို့ရာအ တွက် နည်းအမျိုးမျိုးနဲ့ ထပ်ဆင့် ဖြည့်စွက်ကြတဲ့ နေရာမှာ သူ့အ တန်းပိုင် ဆရာ၊ ဆရာမဆီမှာ ကျူရှင်ပြန်တက်ခိုင်းတာ၊ ပြင်ပ နာမည်ကြီး ကျူရှင်ဆရာတွေဆီ မှာ အပ်ထားတာ၊ ဆရာ၊ ဆရာမ ငြိုငြင်မှာကို ကြောက်တာကြောင့် အတန်းပိုင်ရော၊ အတန်းမပိုင် ရော နှစ်ခုစလုံးမှာခွပြီး ပညာနို့ရည် ကြီးကို ပါးစပ်နဲ့ မဆံ့အောင် ပြိုင် တူသောက်စို့ခိုင်းထားတာဆိုပြီး အမျိုးမျိုး အထွေထွေပါပဲ။

အဲသည့်လို နောက်ခံအနေ အထားနဲ့ ၀င့်ကြွားစွင့်ကားနေတဲ့ မြန်မာ့ပညာရေး ဇာတ်ခုံကြီးပေါ် မှာ တစ်နှစ်ဆန်းပြီလို့ဆိုတာနဲ့ ရွက်ကျပင်ပေါက်တွေ အုံနဲ့ကျင်း နဲ့ ပေါက်သလို ဖွေးဖွေးလှုပ် အောင် ထွက်ပေါ်လာကြတာတွေ ကတော့ အထူးထုတ်စာအုပ် ပေါင်းစုံပါပဲ။ သင်ရိုးကုန်အထူး ထုတ်၊ မေးခွန်းဟောင်းအဖြေစုံ အထူးထုတ်၊ မေးခွန်းငါးစုံ အထူး ထုတ် စုံနေတာပါပဲ။ အဓိကပြော လိုတာက ဆယ်တန်းပါ။

အဲသည့် အထူးထုတ်တိုင်း မှာ ‘‘အမှတ်ပေးစည်းမျဉ်းနှင့်အ ညီ ပြုစုထားသည်’’ဆိုတဲ့ အညွှန်း စာသားကတော့ မဖြစ်မနေ ဆို သလို ပါနေကျပေပဲပေါ့။ သည့် အပြင် တချို့တချို့သော စာသင် ၀ိုင်းတွေမှာက ‘‘အမှတ်ပေးစည်း မျဉ်းနှင့်အညီ သင်သည်’’ဆိုပြီး ကိုယ့်စာသင်ဝိုင်းရဲ့ ဂုဏ်ဒြပ်ကို လှစ်ပြထားတာမျိုးတွေကိုလည်း တွေ့ရတတ်ပါတယ်။ အမှတ်ပေး စည်းမျဉ်းက ငါရေးတာ၊ ငါသင်တဲ့ အတိုင်းဖြေမှ အမှတ်ရမှာမို့ ငါ့ဆီ မှာ ကျူရှင်တက်ပေလော့လို့ဆို တာမျိုးတွေကလည်း ဟိုနားတိုး တိုး သည်နားတိုးတိုးရယ်ပေါ့။

စာရေးသူ အခုပြောချင်တဲ့ ကိစ္စက အဲသည့်အမှတ်ပေးစည်း မျဉ်းဆိုတဲ့ ကိစ္စပါ။

(နှစ်)

အမှတ်ပေး စည်းမျဥ်းကို ဘယ်အချိန်မှာ ထိတွေ့ကြရပါ သလဲ။ ဆယ်တန်းစာမေးပွဲ အဖြေ လွှာတွေ လာစစ်ဆေးတဲ့အချိန် မှာ ထိတွေ့ကြရပါတယ်။ ဘယ် လိုလူတွေက အမှတ်ပေးစည်း မျဉ်းနဲ့ ထိတွေ့ခွင့်ရကြပါသလဲ။ စာစစ်မှူးချုပ်၊ စာစစ်မှူး၊ စာစစ် သူများ ထိတွေ့ခွင့်ရကြပါတယ်။ ပြီးရင်တော့ အဲသည့် အမှတ်ပေး စည်းမျဉ်းဆိုတာကြီးကို ပြန်သိမ်း ထားလိုက်လေတော့ပေါ့။ သို့ သော် အဲသည့် အမှတ်ပေးစည်း မျဉ်းဆိုတာက စိတ်နဲ့ပဲ မှတ်မှတ်၊ လက်ရေးနဲ့ပဲ ကူးကူး၊ မိတ္တူပဲ ဆွဲ ဆွဲ၊ ဓာတ်ပုံပဲ ရိုက်ရိုက် ရနိုင်နေ တဲ့ အရာဝတ္ထုဖြစ်နေလေတော့ ကာ အဲဒါကို လျှို့ဝှက်သလို လုပ် ထားပြီး အဲသည့် လျှို့ဝှက်တဲ့အ ရာကို ထိတွေ့သိရှိခွင့်ရသူတွေက လုပ်စားကိုင်စားနိုင်ခွင့်ရှိသလိုမျိုး ကြီး ဖြစ်နေတာဟာ တကယ့်ကို တော်တည့်မှန်ကန်တဲ့ စီမံခန့်ခွဲမှု မှ ဟုတ်ရဲ့လားဆိုတာ စဉ်းစားဖို့ ကောင်းလာပါတယ်။

အရပ်ဒေသအကွာအဝေး ကြောင့်၊ စာစစ်ဖို့အခွင့်မကြုံတဲ့ အနေအထားကြောင့် အမှတ်ပေး စည်းမျဉ်းမှာ ဘယ်လိုရှိတယ်ဆို တာကို မသိဘဲ ကျောင်းတွင်း၊ ကျောင်းပြင် စာသင်နေကြရရှာတဲ့ ဆရာ၊ ဆရာမတွေခမျာ စမ်းတ ၀ါးဝါးနဲ့ လမ်းသွားနေရတာမို့ တပည့်ကလေးတွေ ရသင့်တဲ့ အမှတ်ကို မရဘဲဆုံးရှုံးသွားခဲ့ရ တာတွေဟာ ကိုယ်ချင်းစာနာဖို့ ကောင်းလှပါတယ်။ ဟိုး ...ဒေသ အစွန်အဖျားက တပည့်ကလေး တွေ။ ကိုယ်ပိုင်ကျောင်းက တပည့်ကလေးတွေ။ စာမစစ်ဖူး သူ ဆရာ၊ ဆရာမတို့ရဲ့ တပည့် ကလေးတွေ။

(သုံး)

ပြိုင်ပွဲတစ်ခုဟာ သူကျင်းပ မယ့် ပြိုင်ပွဲရဲ့စည်းမျဉ်း၊ စည်းကမ်း၊ဥပဒေတွေကို လှည်းနေ လှေ အောင်း မြင်းဇောင်းမကျန် ရှင်း ရှင်းလင်းလင်း တိတိကျကျ ထုတ် ပြန်ပေးထားသင့်တယ်လို့ စာရေး သူတော့ ယူဆပါတယ်။

ဆိုကြပါစို့။ ဘောလုံးကန်တဲ့ အခါ ဘယ်လိုနေရာမှာ သွားရပ် နေတာကို လူကျွံတယ်လို့ ခေါ် တယ်။ ဘောလုံးက ဘယ်သူနဲ့ထိ ပြီး ဘယ်နေရာကို ရောက်သွား ရင် ထောင့်ကန်ဘော၊ ဘေးထွက် ဘောဆိုပြီး ခေါ်တယ်။ ဘယ်လို အနေအထားမျိုးနဲ့ လက်ကိုဘော လုံးထိတော့မှ လက်ထိဘောခေါ် တယ်။ ဘယ်လိုလုပ်တာမျိုးက ပြေးလမ်းပိတ်တာ၊ ဘယ်လိုလုပ် ရပ်မျိုးက အဖျက်ကြမ်းတာဆိုပြီး ထုတ်ပြန်ပေးထားတော့မှ ဘော လုံးကစားတဲ့သူက ဘယ်ဟာကို ရှောင်၊ ဘယ်ဟာကိုဆောင်ဆိုပြီး စည်းကမ်းနဲ့အညီ ကစားနိုင်တော့ မှာပေါ့။ ကျူးလွန်မိရင် ထိုက်သင့် တဲ့ ပြစ်ဒဏ်သူ့ဘာသာသူ ခံပေါ့။ ဘောလုံးပွဲရဲ့ စည်းကမ်းတွေကို ထုတ်ပြန်မထားဘဲ တကယ်လို့ ထုတ်ပြန်ခဲ့သည့်တိုင် ကစားမယ့် သူတွေကို လုံးဝအသိမပေးဘဲ ကြည့်ပြီးတော့သာ ကောင်းမယ် ထင်သလိုသာ ကန်ကြပေတော့ ကွာလို့ လုပ်လို့ ရကောင်းပါရဲ့ လား။

  စာရေးသူရဲ့ ဆန္ဒအရက တော့ အမှတ်ပေးစည်းမျဉ်းဆို တာ ဗြောင်ထုတ်ပြန်ထားရမယ့် အရာပါ။

ဟောသည့် ရူပဗေဒပုစ္ဆာမှာ ယူနစ်မှားရင် ဘယ်နှမှတ်လျှော့ မယ်။ ဟောသည့်ဇီဝဗေဒအဖြေ မှာ ပုံမပါရင် ဘယ်နှမှတ်လျှော့ မယ်။ ဟောသည့် ဓာတုဗေဒမေး ခွန်းမှာ ပုံစာမှားရင် ဘယ်နှမှတ် ပဲ ရမယ်။ ဟောသည့် သဒ္ဒါမေးခွန်း မှာ ဟောသည့်အချက်တွေ အ ကုန်ပါမှ အမှတ်ပြည့်ရမယ်။ အင်္ဂလိပ်စာ Essay ရေးတဲ့အခါ ဟောသည့်သဘောထားမျိုးတွေ ကို အခြေခံပြီးရေးမှ အမှတ်ပေး မယ်။ စာစီစာကုံးရေးတဲ့အခါ စကားပြောသလို မရေးနဲ့။ စသည် စသည် စသည်။

မကောင်းဘူးလားဗျာ။ မြစ် ကြီးနားကနေ ကော့သောင်းအထိ အကုန်သိအောင် ထုတ်ပြန်ပေး ထား။ ဆရာ၊ ဆရာမတွေ အဲသည့် စည်းမျဉ်းနဲ့ ညီအောင် သင်ကြ၊ ကျောင်းသူ၊ ကျောင်း သားတွေ အဲသည့်စည်းမျဉ်းတွေ အတိုင်း လေ့လာ၊ ကျက်မှတ်၊ လေ့ကျင့်။ အဲသည့်အတိုင်းညီရင် အမှတ်ပေးမယ်။ မညီရင် မပေး ဘူး။ အဲဒါမှ မျှတပေတော့မှာပေါ့။ အဲဒါမှ တရားသဖြင့် ဖြစ်တော့မှာ ပေါ့။

  ကျောက သားကလေးတွေ၊ ရင်က သားကလေးတွေ။ တစ် ပြည်လုံးက အဖြူ၊ အစိမ်းကလေး တွေ။သိသူတွေသာ ဖော်စားပြီး မသိသူတွေခမျာ ကျော်ကျော်လွှားလွှားကြီး ဖြစ်ကုန်ကြရမယ့် အနေ အထားကြီးကို မဖန်တီးထားကြပါ တော့နဲ့လား။  ။

မောင်သာချို

ကလေးတွေ ပြောရဲဆိုရဲ ဖြစ်လာစေဖို့

ကလေးဘ၀တုန်းက ကျွန်မအလွန်ရှက်တတ်သည်။ ရှက်တတ်တာမှ အတော်လေးကို ရှက်တာပါ။ ကျွန်မမသိသောသူများနှင့် ကောင်းကောင်းမွန်မွန် စကားပြောဖို့ဆိုတာက ကျွန်မအတွက် အတော်လေးခက်ခဲခဲ့သည်။

ကျွန်မငယ်ငယ်က ကလေး တွေကို ဆူဆူညံညံ  စကားပြော ခွင့်မပြုသော အိမ်မျိုးမှာ ကြီးပြင်း ခဲ့ရသည်။ ထို့ကြောင့် ကိုယ့်ကိုယ် ကိုယ် ယုံကြည်စိတ်နည်းပါးပြီး ကိုးရိုးကားရားနှင့် သူများတွေနှင့် စကားမပြောတတ်၊ မဆိုတတ် တော့။  ကျွန်မက  မိသားစုထဲမှာ တောင်  စကားပြောခဲလှသည်။ ကျွန်မ  စကားပြောလျှင်လည်း အမေ၊  ဆရာ၊  ဆရာမများနှင့် တခြားသူတွေက  ကျွန်မကို ကျယ် ကျယ်ပြောရန်  အော်ငေါက်တာ ခံခဲ့ရသည်။
တစ်ခါမှ မသိသူ၊ သူစိမ်း တွေနှင့် တွေ့ရပြီဆိုလျှင်တော့ ကျွန်မအတော်အဖြစ်ဆိုးခဲ့သည်။ တစ်ယောက်ယောက်ကို နေ ကောင်းလား ဘာညာနှုတ်ဆက် ရလျှင် ကျွန်မမျက်နှာတွေ နီရဲပြီး မထားတတ်အောင် ဖြစ်ခဲ့ရသည်။ တခြားသူတွေနှင့် ဘယ်လိုဆက် ဆံပြောဆိုရမည်ဆိုတာကို ကျွန်မ မသိ။ လူတွေကို ကျွန်မကြောက် သည်။ သူတို့က ကျွန်မကို လက် မခံမှာကိုလည်း ကြောက်သည်။

စိတ်ပညာရှင်နှင့် စာရေး ဆရာအန်တိုနီဂန်က လူတွေက လက်မခံမှာကို စိုးရွံ့ခြင်းသည် အရွယ်ရောက်သူများ၏  နံပါတ် (၁)   ကြောက်ရွံ့မှုဖြစ်သလို ကလေးတွေမှာလည်း အတူတူပင် ဖြစ်သည်ဟု ဆိုသည်။ ကလေး များသည်(၂)နှစ်လောက် အရွယ် ကတည်းက ယင်းကြောက်ရွံ့စိုးရိမ်မှုမျိုးရှိသည်ဟုဆိုသည်။
သည်လို ဖြစ်တာက ကလေးတွေ၏ သဘာဝဆိုတာကို မိဘတွေအနေနှင့် နားလည်ရမည်ဟု ဂန်က ပြောပါသည်။ ကလေးကလူတွေနှင့် မပြောချင်၊ မဆိုချင်တာဟာ တစ်ခုခုမှားနေခြင်း မဟုတ်ပါဟု ဆိုပါသည်။
‘‘ကလေးက လူတွေနဲ့ တွေ့ ထိ ဆက်ဆံတဲ့အခါ စိတ်လှုပ်ရှား မနေသင့်ဘူးလို့ တွေးကြတာ မှား ယွင်းတဲ့ အယူအဆပါ’’။ လူမှုရေး အရ  လက်မခံမှာကို  ကြောက်  ခြင်းသည် သဘာဝပင် ဖြစ်၏။ ကလေးကို အပြုသဘောဆောင် လာစေချင်ပါက  ဘ၀ကို ကျေနပ် ပျော်ရွှင်လာအောင်  သင်ကြား ပေးဖို့ပင် ဖြစ်သည်။ ကိုယ့်ကလေး၏ လူမှုရေးဆိုင်ရာ စိုးရွံ့မှုကို ဖယ်ရှားပေးရန် အကောင်းဆုံးနည်းမှာ ကလေးတွေကို ကောင်းကောင်းစကားစပြီး ပြောတတ်သူတွေ ပြောရဲဆိုရဲဖြစ်လာအောင် သင်ကြားပေးခြင်းဖြစ်၏။
 ကလေးက ရှက်ပါသည်၊ လူတွေကို စကားပြောဖို့ ကြောက် နေပါသည်ဆိုကာမှ သည်လို ကလေးကို စကားကောင်းကောင်း စပြောတတ်၊  ဆိုတတ်ဖြစ်လာ အောင် ဘယ်လိုသင်လို့ ဖြစ်နိုင် မလဲဟု တွေးကောင်းတွေးကြလိမ့် မည်။
  တခြားအရာတွေလိုပင် ဘယ်လို လုပ်ရမလဲဆိုတာက တော့ အလေ့အကျင့်ကနေ စရပါ လိမ့်မည်။ ထိုအခါ ကလေးက လူ မှုဆက်ဆံရေးမှာ ယုံကြည်မှုတွေ ရှိလာပါလိမ့်မည်။
အိမ်ပွဲစားတစ်ဦးဖြစ်သည့် တီဂန်ဒီကလပ်အတွက် လူတွေ ကို ချဉ်းကပ်တာ၊ စကားပြောတာ က အကြောင်းမဟုတ်။ သို့သော် သူ၏(၄)နှစ်သမီးလေးက လူ တွေကို စကားပြောဖို့ ကြောက် တာကို သူမြင်ရတော့ အံ့အားသင့်ရသည်။
‘‘ဒါသူ့ရဲ့ သဘာဝမဟုတ် ဘူး။ ဒါကြောင့် ကျွန်မက သူ့ကို လူတွေနဲ့ စကားပြောခိုင်းတယ်။ အထူးသဖြင့် ဈေးဆိုင်မှာပေါ့။ တစ်ခုခုကို ဘယ်လောက်ကျလဲ သူသိချင်တယ်ဆိုရင် ဈေးဆိုင်က လူကို သူ့ဘာသာ မေးခိုင်းတယ်။ ကျွန်မက ကြားထဲက ၀င်မပြော ဘူး။ လူတွေနဲ့ အခြေအနေအမျိုး မျိုးမှာ ဆက်ဆံရတဲ့အခါ သူ့ဘာ သာသူယုံကြည်မှု  ရလာစေချင် တယ်’’
တစ်ခါတလေ သမီးကလေးက ဒီကလပ်ကို သူ့ကိုယ်စားမေးပေးဖို့ တောင်းဆိုတာမျိုး ရှိသည်။ သူ့အနေနှင့်  သည်အချက်ကို လိုက်လျောပါက သမီးကလေး၏ ရှက်တတ်သည့် အကျင့်ကို မဖျောက်ပေးနိုင်ဘူးဆိုတာ သူကသိသည်။
‘‘တစ်ခါတလေတော့ ကျွန်မ က သူ့အစား မမေးပေးတော့ သူ က မကြိုက်ဘူးပေါ့။ ကျွန်မက လည်း  တမင်တင်းထားတာ။ နောက်ဆုံးတော့ သူ့ဘာသာပဲ လို ချင်တာကို  မေးရတော့တာပေါ့။ နောက်တစ်ခါကျတော့  သူ့အ တွက် မေးရဲသွားပြီလေ’’
 စိတ်ပညာရှင်ဂန်ကတော့ ဈေးဝယ်ခြင်းသည် ကလေးများကို လူမှုဆက်ဆံတတ်ရန် အကောင်း ဆုံးသိမ်မွေ့စွာ သင်ကြားသည့် နည်းတစ်ခုဟု  ဆိုပါသည်။ ကလေးတွေက ဆုချီးမြှင့်တာကို ကြိုက်ကြသည့်အတွက် ဈေးဝယ် သွားလျှင်  သကြားလုံးတစ်လုံး လောက်တော့ ပေးသင့်သည်ဟု ဆိုပါသည်။
‘‘ကလေးတွေက အရမ်းကို ရိုးသားကြပါတယ်။ သူတို့အများ ဆုံး လုပ်တာတွေအတွက် ဆုချ ပေးပါ။ မူကြိုအရွယ်မှာ ကလေး တွေကို ဈေးမေးခိုင်းတာတို့၊ ပေး တာတို့ လုပ်ခိုင်းပါ။ နည်းနည်း ကြီးလာရင် ကိုယ်က ဈေးဆိုင် ပေါက်ဝကနေ သူတို့ဝယ်တာကို သာ စောင့်ကြည့်နေပါ။ ကလေး တွေ ဈေးဆိုင်မှာ သူ့ဘာသာပြော ဆိုဆက်ဆံတတ်လာတာကို တွေ့ ရပါမယ်’’
ကလေးတွေကို ပြောရဲဆိုရဲ ရှိလာစေဖို့ မိဘတွေက သင်ပေး နိုင်တဲ့ နည်းနှစ်ခု ရှိပါသည်။ ကလေးတွေကို ပျော်စရာ ဖြစ်လာအောင်လုပ်ဖို့နဲ့ သူတို့ကိုယ်စား နေရာတကာ ၀င်ပါပြောနေတာ မျိုး မလုပ်ဖို့ပင် ဖြစ်ပါသည်။
‘‘မိဘအတော်များများက သူတို့အနေနဲ့ ကလေးတွေအ တွက် ၀င်ပါပြီး ကလေးတွေအ စားဝင်ပြောပေးရမယ်လို့ ထင် ကြတယ်။ ဒါဟာ တကယ်တော့ ကလေးရဲ့ လူမှုရေးကဏ္ဍကို ၀င် နှောင့်ယှက်နေတာပါ။ ကိုယ်ဝင် ပြောချင်လာရင် မပြောခင် စိတ် ထဲမှာ ၁၊၂၊၃၊၄-၁၀ အထိ ဆိုနေ လိုက်။ ကလေးကို သူ့ဘာသာ ပြောပလေ့စေ’’ဟု ဂန်ကအကြံ ပေးပါသည်။
ကလေးက ရှက်သည်ဖြစ် စေ၊ မရှက်သည်ဖြစ်စေ ယခုလို စကားပြောခြင်းက လူမှုရေးအ တွက် အကျိုးရှိစေပါသည်။ ကလေးစကားပြောပညာရှင်လော်ရင်းအိုင်လင်ကမူ စာအုပ်တွေကိုအသုံးချပြီး ပုံပြင်များ ပြောစေခြင်းကလည်း ကလေးတွေ၏ စကားပြောစွမ်းရည်ကို အားပေးသည်ဟု ဆိုပါသည်။
‘‘ကျွန်မကတော့ မိဘတွေ ကို စာအုပ်ဖတ်ပြခိုင်းတာကို လုပ် ခိုင်းတယ်။ ကလေးတွေကို စာ အုပ်ထဲက ဇာတ်လမ်းအကြောင်း ပြန်ပြောပြတာက ဘာဖြစ်မလဲဆို တဲ့ သူတို့ရဲ့ သိလိုစိတ်ကို နှိုးဆွ ပေးတယ်။ ပုံပြောနေတုန်း ခဏ ခဏ ရပ်ပြီး ကလေးတွေကို မေး ခိုင်းတာ၊ ပြီးတော့ ဆက်ပြောစေ တာမျိုးက ကလေးတွေအနေနဲ့  ဘာသာစကားကို သူ့ဘာသာ ပြောတတ်လာစေတယ်’’
ကလေးတွေက စကားတွေ စပြောလာအောင် မိဘတွေက လည်း ခေါင်းစဉ်တွေ ရှာပေးရမည် ဟု ဆိုပါသည်။ ဥပမာ သူတို့ ကျောင်းအကြောင်း၊ ရုပ်ရှင်အ ကြောင်း၊ ကစားနည်းတွေအ ကြောင်း အစလုပ်ကာမေးပေးရ မည်ဟုလည်း စိတ်ပညာရှင် ဂန် က ရှင်းပြသည်။
‘‘ပြီးတော့ ကလေးကိုလည်း သူများတွေ ပြောတာ နားထောင် ခိုင်းပြီး သူတို့ဘာတွေ ပြောကြ သလဲဆိုတာ သိအောင်လုပ်ခိုင်း ပါ။ အဲဒီလို လုပ်တာက ကလေးရဲ့ အသိအမြင်ကို ကြွယ်ဝလာစေ တယ်။ စကားပြောကောင်းသူ တစ်ယောက်ဖြစ်လာတယ်ဆိုတာကလည်း တခြားသူတွေ ဘာစိတ်ဝင်စားတယ်ဆိုတာ သိလာတာကနေ စတာပဲ။ ဒါကြောင့်ကလေးကို တခြားသူပြောရင်လည်း အာရုံစိုက်နားထောင်ခိုင်းပါ’’
စကားမပြောရဲသောကလေးတစ်ယောက်ဖြစ်သည့် ကျွန်မသည် လူတွေနှင့် နေ့တိုင်းပြောဆို ဆက်ဆံလာရန် တွေးတောင် မတွေးရဲပါ။ သည်နေ့အထိ လူမှုရေးနယ်ပယ်မှာ ကိုယ်ကစပြီး စကားစပြောဖို့ ခက်နေပါသေးသည်။
ယခုအချိန်မှာ ကျွန်မကို လူ တစ်ယောက်ယောက်က စကား ပြောကောင်းသူ တစ်ယောက်လို့ ချီးကျူးပြောဆိုပါ သိပ်ကောင်းပါလိမ့်မည်။ ကျွန်မက ကလေးကို ဒီအကြောင်းပြောပြကာ အားပေး နိုင်ပါလိမ့်မည်။
(သတင်းစာ ဆရာမဂျနီဖာမော်တန်၏ How to Raise a Confi-dent Child ဆောင်းပါးကို ထားထားမြင့် ဘာသာပြန်ဆိုသည်။)